រាជធានីភ្នំពេញ ៖ ពិតជាអណោចអធ័មណាស់ បុរសជាកម្មករម្នាក់ ត្រូវបានឆ្លងចរន្តភ្លេីងឆ្លងមកបុកប៉ះលេីខ្លួនប្រាណគាត់បណ្តាលអោយឆក់ស្លាប់មួយរំពេច ខណៈកំពុងតែរៀបចំទាញខ្សែកាបដាក់គាស់យកបង្គោលគ្រឹះ ចេញពីដី ។

ហេតុការណ៍ នេះបានកេីតឡេីងនៅវេលាម៉ោង១១ព្រឹក ថ្ងៃទី៩ ខែតុលា ឆ្នាំ ២០២១ ស្ថិតនៅក្នុងភូមិត្រពាំងជេីងស្រុក សង្កាត់ក្រាំងធ្នង់ ខណ្ឌសែនសុខ ។

តាមប្រភពព័ត៌មានពីកន្លែងកេីតហេតុបានឲ្យដឹងថា នៅពេលកេីតហេតុ ជនរងគ្រោះខាង លេី មានវ័យជិត៥០ឆ្នាំ ជាកម្មករផ្នែកខាងស្ទួច និងមានគ្នាម្នាក់ជាអ្នកបញ្ជារឧបករណ៍ស្ទួច ហេីយជនរងគ្រោះបានរៀបចំរថយន្តស្ទួចមួយគ្រឿង ដោយបានទាញខ្សែរកាបដែក ដេីម្បីយកមកថ្ពក់បង្គោលថ្មមួយដេីមដែលបាក់រលំ ខណៈកំពុងតែរៀបចំទាញខ្សែរកាបយកទៅថ្ពក់នោះ ស្រាប់តែអ្នកបញ្ជារដងស្ទួចបានបង្ហូតដកសន្ទួចអោយវែង ហេីយក៏ជ្រុលទៅប៉ះនិងមេខ្សែរភ្លេីងនៃបង្គោលភ្លេីង ដោយមិនដឹងថាបង្គោលភ្លេីងនោះឆ្លងទេ ក៏បណ្តាលអោយឆ្លងចរន្តភ្លេីង ឆក់កន្ត្រាក់ជនរងគ្រោះមួយទំហឹង ឆក់ជនរងគ្រោះដែលកំពុងតែកាន់ខ្សែរកាបយកទៅថ្ពក់និងគ្រឹះបង្គោលថ្ម ធ្វេីអោយគាត់ប្រកាច់ស្លាប់ក្នុងទឹកយ៉ាងអណោចអធ័ម ។

ភ្លាមៗនោះ អ្នកបញ្ជារឧបករណ៍បានស្ទុះមកជួយជនរងគ្រោះដែរ តែដោយសារតែជនរងគ្រោះត្រូវចរន្តភ្លេីងបុកខ្លាំងពេក នៅពេលគាត់យកដៃទៅប៉ះក៏ឆ្លងដល់គាត់ដែរ ធ្វេីអោយគាត់មិនអាចជួយសង្គ្រោះបាន រួចក៏ស្រែកហៅអ្នកជិតខាងអោយមកជួយ ដោយលេីកជនរងគ្រោះចេញពីកន្លែងឆក់ មកកប់ក្ន្ងងដីខ្សាច់ វិញ និងសង្គ្រោះចលនាបឋម តែជាអកុសល ជនរងគ្រោះក៏បានដាច់ខ្យល់ស្លាប់បាត់ទៅ ។

ក្រោយកេីតហេតុសមត្ថកិច្ចមូលដ្ឋានបានមកដល់កន្លែងកេីតហេតុនិងបានធ្វេីការត្រួតពិនិត្យលេីសព និងធ្វេីកំណត់ហេតុរួច ប្រគល់ជូនក្រុមគ្រួសារយកទៅធ្វេីបុណ្យតាមប្រពៃណី៕ អ៊ុ ស្រស់