ខេត្តក្រចេះ ៖ យោងតាមផេក ស្នងការដ្ឋាននគរបាលខេត្តក្រចេះ បានឲ្យដឹងថា នៅថ្ងៃទី១១ ខែតុលា ឆ្នាំ២០២១ វេលាម៉ោង១០យប់ ដោយមានការចង្អុលបង្ហាញពីលោកឧត្តមសេនីយ៍ស្នងការ កម្លាំងនគរបាលព្រហ្មទណ្ឌ សហការជាមួយកម្លាំងអធិការដ្ឋាននគរបាលស្រុកស្នួល ដឹកនាំដោយលោក វរសេនីយ៍ឯក គុណ សុភ័ណ្ឌ ស្នងការរងទទួលផែ នការងារនគរបាលព្រហ្មទណ្ឌ និងសម្របសម្រួលនីតិវិធីដោយលោក រ៉ា បូរ៉ាន់ឌី ព្រះរាជអាជ្ញា រងអមសាលាដំបូងខេត្តក្រចេះ បានចុះធ្វើការបង្ក្រាបករណី លេងល្បែងស៊ីសងខុសច្បាប់ (បៀរម៉ាជាំង) ០១កន្លែង នៅចំណុចរវៀងជ័យ ភូមិថ្នល់ ឃុំស្វាយជ្រះ ស្រុកស្នួល ខេត្តក្រចេះ ជាទីតាំងដែលពួកគេតែងតែប្រមូលផ្តុំគ្នាលេងល្បែងស៊ីសង។
ក្នុងប្រតិបត្តការនោះ កម្លាំងសមត្ថកិច្ចបានឃាត់ខ្លួនជនជាតិចិន ប្រុស ស្រីចំនួន ០៧នាក់ ក្នុងនោះ មានស្រីម្នាក់ ព្រមទាំងដកហូតវត្ថុតាង តុម៉ាស៊ីនចែកបៀរ និងបៀ រ(ម៉ាជាំង) មួយចំនួន ផងដែរ អនុវត្តតាមច្បាប់ ៕
