រាជធានីភ្នំពេញ ៖ បុរសចំណាស់ ជាជនពិការជើងម្ខាងម្នាក់ បានរងរបួសធ្ងន់ ត្រូវរថយន្តសាមុយដឹកយកទៅសង្គ្រោះបន្ទាន់ភ្លាមៗ បន្ទាប់ពីបើកម៉ូតូរម៉កឃ្លុបបញ្ច្រាសផ្លូវទៅបុកនឹងរថយន្តឡិចស៊ីស៤៧០ មួយគ្រឿងយ៉ាងពេញទំហឹង បង្កការភ្ញាក់ផ្អើលនៅវេលាម៉ោង ៣និង២០នាទីរសៀល ថ្ងៃទី១២ ខែតុលា ឆ្នាំ២០២១ លើផ្លូវសហព័ន្ឋរុស្សី ត្រង់ចំណុចអតីតរង្វង់មូលចោមចៅចាស់ ក្នុងសង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ។

ប្រភពព័ត៌មានពីកន្លែងកើតហេតុបានឲ្យដឹងថា មុនពេលកើតហេតុ គេឃើញបុរសចំណាស់ជាជនពិការម្នាក់បើកម៉ូតូរ៉ឺម៉កឃ្លុប មួយគ្រឿងពាក់ស្លាកលេខ តាកែវ 1G-2712 ដោយធ្វើដំណើរទិសដៅពីលិចទៅកើតក្នុងស្ថានភាពបញ្ច្រាសផ្លូវ លុះមកដល់ចំណុចកើត ក៏ជ្រុលទៅបុកនិងរថយន្តឡិចស៊ីស មួយគ្រឿង ពណ៌ស ពាក់ស្លាកលេខ ភ្នំពេញ 2M-0999 បើកដោយបុរសម្នាក់ មកចំពីមុខរថយន្តយ៉ាងពេញទំហឹង បណ្តាលអោយបុរសបើកម៉ូតូធ្លាក់ពីលើម៉ូតូបោកថ្នល់ រងរបួសធ្ងន់ ហើយត្រូវបានគេដឹកយកទៅសង្គ្រោះបន្ទាន់នៅមន្ទីរពេទ្យឯកជនមួយកន្លែង ។

ក្រោយកើតហេតុសមត្ថកិច្ចមូលដ្ឋានបានមកដល់ ធ្វើការគូសវាស់វែង យករថយន្តនិងម៉ូតូរម៉កទៅរក្សាទុកនៅអធិការដ្ឋាននគរបាលខណ្ឌពោធិ៍សែនជ័យ រង់ការដោះស្រាយនៅពេលក្រោយ បន្តទៀត៕ អ៊ុ ស្រស់