ខេត្តកំពត ៖ យោងតាមផេក អគ្គ.ការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំ CCF បានឲ្យដឹងថា មន្ត្រីក.ប.ប បានរកឃើញ និងដកហូតទំនិញខូចគុណភាពបានចំនួន ៨០គីឡូក្រាមនៅលើទីផ្សារក្នុងខេត្តកំពត ខេត្តសៀមរាប និងខេត្តស្វាយរៀង នៅថ្ងៃទី១២ និងថ្ងៃទី១៣ ខែតុលា ឆ្នាំ២០២១នេះ ។

ការចុះត្រួតពិនិត្យនេះ គឺអនុវត្តនូវតួនាទី និងភារកិច្ចរបស់ខ្លួន ដើម្បីការពារសុខុមាលភាព និងផលប្រយោជន៍របស់ប្រជាពលរដ្ឋ។

ជាលទ្ធផល មន្ត្រីជំនាញ បានរកឃើញទំនិញជាគ្រឿងឧបភោគ បរិភោគ ដែលខូចគុណភាពចំនួន ៨០គីឡូក្រាម ហើយត្រូវបាន ដកហូត យកមករក្សាទុកដើម្បីកម្ទេចចោលនៅពេលក្រោយបន្តទៀត៕