រាជធានីភ្នំពេញ ៖ អគ្គិភ័យបានឆាបឆេះឃ្លាំង មួយកន្លែងយ៉ាងសន្ធោសន្ធៅ បណ្តាលឲ្យឆេះទាំងរថយន្តដែលនៅក្នុងនោះថែមទៀត ផ្អើលដល់កងកម្លាំងរថយន្តពន្លត់អគ្គិភ័យចុះមកបាញ់ពន្លត់ កាលពីវេលាម៉ោង១ និង៣០នាទី រំលងអាធ្រាត្រ ឈានចូលថ្ងៃទី១៦ ខែតុលា ឆ្នាំ២០២១ នៅចំណុចឃ្លាំងស័ង្កសី តាមបណ្តោយផ្លូវ២១៧ ភូមិខ្វា សង្កាត់ដង្កោ ខណ្ឌដង្កោ រាជធានីភ្នំពេញ ។

សមត្ថកិច្ចបានឲ្យដឹងថា ការឆាបឆេះនេះ គឺបណ្តាលមកពីឆ្លងចរន្តអគ្គិសនី ដោយបានឆេះឃ្លាំងប្រភេទដែកប្រកស័ង្កសី និងបានឆេះបំផ្លាញ រថយន្តម៉ាកតូយ៉ូតា១២កៅអី០១គ្រឿង តែពុំបណ្ដាលឲ្យឆេះរាលដាលដល់ផ្ទះអ្នកជិតខាងឡើយ ។

សូមបញ្ជាក់ផងដែរថា ភ្លាមៗកម្លាំងសមត្ថកិច្ចបានប្រើប្រាស់ រថយន្ត របស់ការិយាល័យអគ្គិភ័យចំនួន ០២ គ្រឿង ប្រើប្រាស់ទឹកអស់០២ រថយន្ត ស្មើរនឹង ១២ម៉ែត្រគូបទើបរលត់ទៅវិញនៅម៉ោង ០១និង៥០នាទី រំលងអាធ្រាត្រថ្ងៃដដែល ៕ Mrr Ka