រាជធានីភ្នំពេញ ៖ រថយន្តចំនួន២គ្រឿងបានរងការខូចខាត ខណៈបុរសម្នាក់ បានបើករថយន្តម៉ាក Camry ជ្រុលទៅបុកនឹងរថយន្ត ម៉ាកKIA រួចក៏រេចង្កូតទៅបុកនឹងរបាំងថ្មពុះចែកទ្រូងផ្លូវ បណ្ដាលរងការខូចខាតយ៉ាងដំណំ កាលពីវេលាម៉ោង១២យប់ ឈានចូលថ្ងៃទី១៦ ខែតុលា ឆ្នាំ២០២១ នៅតាមបណ្ដោយផ្លូវ២៧១ ក្នុងសង្កាត់ទួលទំពួងទី២ ខណ្ឌចំការមន រាជធានីភ្នំពេញ។

ប្រភពព័ត៌មានពីសមត្ថកិច្ចមូលដ្ឋានបានឲ្យដឹងថា មុនពេលកើតហេតុ គេឃើញមានរថយន្តកាមរីមួយគ្រឿង ដែលពាក់ស្លាកលេខ ភ្នំពេញ 2Z-1525 បើកបរដោយបុរសម្នាក់ ក្នុងទិសដៅពីកើតមកលិច មកដល់ចំណុចផ្លូវ២៧១ ក៏បានបុកគ្នាជាមួយនឹងរថយន្ដម៉ាកKIA មួយគ្រឿង ដែលពាក់ស្លាកលេខ ភ្នំពេញ 2BE-1607 បណ្ដាលឲ្យរថយន្ដកាមរីរបស់គាត់ បានរេចង្កូតទៅបុកនឹងរបាំងថ្មពុះចែកទ្រូងផ្លូវចំនួន ៤ កង់ រងការខូចខាតរថយន្តយ៉ាងដំណំ ។

បន្ទាប់ពីកើតហេតុហើយនោះ គេឃើញមានសមត្ថកិច្ចជំនាញចរាចរណ៍ក្រុង បានចុះមកធ្វើការវាស់វែង យករថយន្តខងលើ ទៅរក្សាទុកនៅការិយាល័យចរាចរណ៍ផ្លូវគោក នៃស្នងការដ្ឋាននគរបាលរាជធានីភ្នំពេញ រង់ចាំម្ចាស់ចូលខ្លួនមកធ្វើការដោះស្រាយគ្នាតាមផ្លូវច្បាប់បន្តទៀត៕ Mrr Ka