ខេត្តព្រះសីហនុ ៖ កម្លាំងជំនាញអធិការដ្ឋាននគរបាលស្រុកព្រៃនប់ បានសហការជាមួយប៉ុស្តិ៍នគរបាលរដ្ឋបាលបឹងតាព្រហ្ម បានចុះធ្វើការឃាត់ខ្លួនជនសង្ស័យម្នាក់ កាលពីវេលាម៉ោង ០១ នៅថ្ងៃទី១៥ ខែតុលា ឆ្នាំ២០២១ នៅចំណុចភូមិបឹងតាស្រី ឃុំបឹងតាព្រហ្ម ស្រុកព្រៃនប់ ខេត្តព្រះសីហនុ។

សមត្ថកិច្ចបានឲ្យដឹងថា ជនសង្ស័យដែលត្រូវបានឃាត់ខ្លួននេះ មានឈ្មោះយូ រី (ហៅ ដូច) ភេទប្រុស អាយុ ១៨ឆ្នាំ មុខរបរមិនពិតប្រាកដ មានទីលំ នៅភូមិបឹងតាស្រី ឃុំបឹងតាព្រហ្ម ស្រុកព្រៃនប់ខេត្តព្រះសីហនុ និងបានឆែកឆេររកឃើញម្សៅក្រាម ពណ៌សថ្លាសង្ស័យសារធាតុញៀនចំនួន៦ កញ្ចប់តូច និងទូរស័ព្ទមួយគ្រឿង។

បច្ចុប្បន្នជនសង្ស័យខាងលើ ត្រូវបានឃាត់ខ្លួនបណ្តោះអាសន្ន ដើម្បីកសាងសំណុំរឿងតាមនិតិវិធីច្បាប់ ៕ សំណាង