ខេត្តព្រះសីហនុ ៖ ករណីគ្រោះថ្នាក់ចរាចរណ៍មួយបានកើតឡើង រវាងរថយន្ដបុកជាមួយម៉ូតូបណ្ដាលខូចខាតទាំងសងខាង កាលពីវេលាម៉ោង ១១ និង ៣០នាទីយប់ ថ្ងៃទី១៩ ខែតុលា ឆ្នាំ២០២១ ទល់មុខកាស៊ីណូជីងប៉ី (១) នៅតាមបណ្ដោយវិថីឯករាជ (១០០ ) ភូមិ០៤ សង្កាត់លេខ ០៤ ក្រុងព្រះសីហនុ ខេត្តព្រះសីហនុ ។

តាមប្រភពព័តមានពីប្រជាពលរដ្ឋ នៅកន្លែងកើតហេតុបានប្រាប់អ្នកសារព័ត៌មានថា គាត់បានឃើញ រថយន្ដម៉ាកtoyota HIACE ពណ៌ ស ពាក់ស្លាកលេខ ភ្នំពេញ 2BR-9888 បើកបរដោយជនជាតិខ្មែរមិនស្គាល់អត្តសញ្ញាណ បានបើកចុះមកពីស្តុប ៣៣៣ បម្រុងឆ្ពោះទៅតោពី មកដល់ត្រងចំណុចកើតហេតុបានបុកជាមួយម៉ូតូម៉ាក Winner ពណ៌ស មិនមានស្លាកលេខ បណ្ដាលអោយមានការខូចខាតរថយន្ដពីខាងមុខយ៉ាងដំណំ ។ រីឯម៉ូតូ ខូចខាងមុខដូចគ្នាដោយបាក់បូមម៉ូតូខាងមុខ រីឯម្ចាស់ម៉ូតូរងរបួសស្រាល ។

ក្រោយពីកើតហេតុ អ្នកបើករថយន្ដនិងអ្នកបើកម៉ូតូបានចរចារគ្នារួច ភាគីខាងម៉ូតូព្រមសងសំណងខាងភាគីរថយន្ដថវិកាចំនួន២០០ដុល្លារដើម្បីបញ្ចប់រឿង ៕ សំណាង