រាជធានីភ្នំពេញ ៖ រថយន្តស៊េរីទំនើបមួយគ្រឿង បានបុកគ្នាពេញមួយទំហឹង ជាមួយនឹងរថយន្តកុងតឺន័រ បណ្ដាលឲ្យរងការខូចខាតយ៉ាងដំណំ កាលពីវេលាម៉ោង ១០យប់ ថ្ងៃទី២២ ខែតុលា ឆ្នាំ២០២១ នៅតាមបណ្ដោយផ្លូវ៩២ ក្នុងសង្កាត់ក្រាំងធ្នង់ ខណ្ឌសែនសុខ រាជធានីភ្នំពេញ ។

ប្រភពព័ត៌មានពីកន្លែងកើតហេតុ ក៏ដូចជាសមត្ថកិច្ចបានឲ្យដឹងថា មុនពេលកើតហេតុ គេឃើញមានរថយន្ដស៊េរីទំនើប DEFENDER មួយគ្រឿង គ្មានស្លាកលេខ បើកបរដោយបុរសម្នាក់ ពីកើតមកលិច លុះដល់ផ្លូវបំបែកជាបួន ក៏បានបុកគ្នាជាមួយរថយន្ដធន់ធំកុងតឺន័រ FUSO ដែលពាក់ស្លាកលេខ ភ្នំពេញ 3F-4456 បណ្ដាលអោយរងការខូចខាតយ៉ាងដំណំ ។ ភ្លាមនោះម្ចាស់រថយន្ដទាំង២នាក់ បានដោះស្រាយគ្នាយ៉ាងយូរ ក៏នៅតែមិនត្រូវទើបសមត្ថកិច្ចចុះមកធ្វើការវាស់វែង យករថយន្តខាងលើទៅរក្សាទុកនៅ អធិការដ្ឋាននគរបាលខណ្ឌសែនសុខ ដើម្បីដោះស្រាយគ្នាតាមច្បាប់បន្តទៀត ៕ Mrr Tra