រាជធានីភ្នំពេញ ៖ បុរសពីរនាក់ ជិះម៉ូតូឌុបគ្នានៅតាមបណ្ដោយផ្លូវជាតិលេខ ៤ ក្នុងសង្កាត់កន្ទោក ខណ្ឌពោធិ៍សែនជ័យ រាជធានីភ្នំពេញ បានជួបគ្រោះថ្នាក់ចរាចរណ៍ បណ្តាលឲ្យ

ម្នាក់ស្លា..ប់ និងម្នាក់ទៀត រងរបួសធ្ងន់ ដោយបុកគ្នាជាមួយនឹងរថយន្តមួយគ្រឿង នាវេលាម៉ោង១០យប់ថ្ងៃទី ២៤ ខែតុលា ឆ្នាំ ២០២១ ហើយរថយន្តខាងលើ ក៏បើកគេចចេញពីកន្លែងកើតហេតុបាត់ស្រមោល ។

ប្រភពព័ត៌មាននៅកន្លែងកើតហេតុបានឲ្យដឹង ថាមុនពេលកើតហេតុគាត់បានឮលាន់បុកគ្នាខ្លាំងមែនទែន គាត់ក៏ចេញមកខាងក្រៅ ក៏បានឃើញមនុស្សពីរនាក់ ដេកនៅកណ្ដាលផ្លូវ ហើយនិងម៉ូតូម៉ាកហុងដាឌ្រីមសេ១២៥ ពណ៌ខ្មៅបិទតែមស ដែលមានពាក់ស្លាកលេខបាត់ដំបង 1N-9743 បានដួលនៅកណ្ដាលផ្លូវខ្ទេច អស់តែម្តង ។ ប្រភពបានបន្តទៀតថាភ្លាមៗនោះរថយន្តដែលបុកគ្នាជាមួយម៉ូតូក៏បានបើក គេចចេញពីកន្លែងកើតហេតុតែម្តង ។ នៅកន្លែងកើតហេតុបណ្ដាលឲ្យ បុរសម្នាក់បានស្លា....ប់ និងម្នាក់ទៀត រងរបួសធ្ង....ន់ធ្ងរ ត្រូវបានរថយន្តសាមុយ ដឹកយកទៅសង្គ្រោះបន្ទាន់ ។

សមត្ថកិច្ចមូលដ្ឋានបានចុះមកដល់ទីតាំងកើតហេតុ និងសាសួរព័ត៌មានពីអ្នកឃើញហេតុការណ៍ ហើយព្យាយាមទំនាក់ទំនងទៅរកសាច់ញាតិនិងក្រុមគ្រួសារឲ្យមកទទួលយកសពទៅធ្វើបុណ្យតាមប្រពៃណីឯចំណែកម៉ូតូសមត្ថកិច្ចយកទៅរក្សាទុកដើម្បីរង់ចាំធ្វើការស្រាវជ្រាវរករថយន្តដែលបើកបុកហើយបើករត់នោះមកដោះស្រាយតាមផ្លូវច្បាប់ ៕