រាជធានីភ្នំពេញ ៖ សមត្ថកិច្ចព្រហ្មទណ្ឌនៃអធិការដ្ឋាននគរបាលខណ្ឌឫស្សីកែវ បានចុះល្បាតក្នុងភូមិសាស្ត្រផ្លូវជាតិលេខ៥ កែងស្តុប៥៩៨ សង្កាត់ច្រាំងចំរេះ១ ខណ្ឌឫស្សីកែវ រាជធានីភ្នំពេញ ក៏ប្រទះឃើញមនុស្ស៣នាក់គួរឲ្យសង្ស័យ បានធ្វើការឃាត់ ដើម្បីសួរនាំ ស្រាប់តែប្រទះឃើញគ្រឿងញៀនជាច្រើនកញ្ចប់ នាវេលាយប់ ថ្ងៃទី២៤ ខែតុលា ឆ្នាំ២០២១ ។

ប្រភពព័ត៌មានពីសមត្ថកិច្ចបានឲ្យដឹងថា នៅពេលកំពុងល្បាត ដល់ចំណុចគោលដៅខាងលើ ក៏បានប្រទះឃើញមនុស្ស៣នាក់ (ស្រី ០១នាក់) ជិះម៉ូតូមួយគ្រឿងម៉ាក Zoomer-Xភ្លាមៗនោះកម្លាំងយើងក៏មានការសង្ស័យហៅឈប់ដើម្បីធ្វើការ ត្រួតពិនិត្យ ស្រាប់តែរកឃើញគ្រឿងញៀនប្រភេទក្រាមពណ៌សថ្លាចំនួន ១៥កញ្ចប់ (ធំ ០២កញ្ចប់, តូច ១៣កញ្ចប់) ។

ក្រោយធ្វើការឃាត់ខ្លួនជនសង្ស័យខាងលើត្រូវបានកម្លាំងសមត្ថកិច្ចនគរបាលខណ្ឌឬស្សីកែវបាននាំខ្លួនជនសង្ស័យទាំង៣នាក់ខាងលើ យកមកសួរនាំបន្តនៅអធិការនគរបាលខណ្ឌឫស្សីកែវ ដើម្បីចាត់ការទៅតាមផ្លូវច្បាប់ ៕