ខេត្តស្ទឹងត្រែង​ ៖ កាលពី ថ្ងៃអាទិត្យ ៣រោច ខែអស្សុជ ឆ្នាំឆ្លូវ ត្រីស័ក ពុទ្ធសករាជ ២៥៦៥ ត្រូវនឹងថ្ងៃទី២៤ ខែតុលា ឆ្នាំ២០២១ កម្លាំងជំនាញនៃស្នងការដ្ឋាននគរបាលខេត្តស្ទឹងត្រែង បានធ្វើការបង្ក្រាបទីតាំងលេងល្បែងស៊ីសងដោយខុសច្បាប់ ជល់មាន់ ស្ថិតនៅភូមិរាជានុកូល សង្កាត់/ក្រុងស្ទឹងត្រែង ខេត្តស្ទឹងត្រែង ឃាត់ខ្លួនជនសង្ស័យ ចំនួន ០៣នាក់ ១/ឈ្មោះពិត លក្ខណៈ ភេទប្រុស អាយុ ៤៧ឆ្នាំ មានទីលំនៅភូមិព្រែក សង្កាត់ស្ទឹងត្រែង ក្រុងស្ទឹងត្រែង ខេត្តស្ទឹងត្រែង ២/ឈ្មោះ ស៊ុន សុគន្ធ ភេទ ប្រុស អាយុ ៥០ឆ្នាំ មានទីលំនៅភូមិបាចុង សង្កាត់ព្រះបាទ ក្រុងស្ទឹងត្រែង ខេត្តស្ទឹងត្រែង ៣/ឈ្មោះ សួន ឆៃឡា ភេទ ប្រុស អាយុ ៣៤ឆ្នាំ មានទីលំនៅភូមិរាជានុកូល សង្កាត់ស្ទឹងត្រែង ក្រុងស្ទឹងត្រែង ខេត្តស្ទឹងត្រែង ។ ចាប់យកវត្ថុតាងរួមមាន៖ ១/.ម៉ូតូ ចំនួន ១១គ្រឿង, ២/.មាន់ជល់ចំនួន ០១ក្បាល, ៣/.ខ្នាយមាន់ចំនួន ០១គូ, កន្រ្តកដាក់មាន់ ចំនួន ០៨កន្រ្តក និងរបាំងកញ្ចក់ជល់មាន់ ចំនួន ១ , បច្ចុប្បន្នកម្លាំងជំនាញនៃស្នងការដ្ឋាននគរបាលខេត្តស្ទឹងត្រែង កំពុងកសាងសំណុំរឿងបញ្ចូនទៅសាលាដំបូងខេត្ត ដើម្បីចាត់ការតាមនីតិវិធី ៕