ខេត្តព្រះសីហនុ ៖ ករណីគ្រោះថ្នាក់ចរាចរណ៍បង្កឡើងដោយរថយន្តបុកនិងម៉ូតូពីក្រោយបង្កឱ្យអ្នកបើកបរម៉ូតូរបួសធ្ងន់ ហេតុការណ៍នេះបានកើតតាមបណ្ដោយផ្លូវសេរីភាព ភូមិ០២ សង្កាត់លេខ០៤ ក្រុង/ខេត្តព្រះសីហនុនៅវេលាម៉ោង១០ និង៣០នាទីយប់ថ្ងៃទី២៤ ខែតុលា ឆ្នាំ២០២១។
យោងតាមប្រភពប្រជាពលរដ្ឋនៅកន្លែងកើតហេតុ បានប្រាប់អ្នកសាព័ត៌មានថា ដំបូងឡើយគាត់បានឃើញបុរសម្នាក់បើកម៉ូតូម៉ាក ស៊ីរុស ពណ៌ខ្មៅមិនមានស្លាកលេខ បើកតាមបណ្ដោយផ្លូវចំការស្ពៃជិតដល់បតកែងផ្លូវសេរីភាពបានវ៉ារថយន្ដមួយគ្រឿងម៉ាក តាកូម៉ា ពណ៌ខ្មៅពាក់ស្លាក់លេខ ក្រុងព្រះសីហនុ 2A - 6328បើកបរដោយជនជាតិចិន ដោយមិនប្រយ័ត្នក៍ត្រូវបានរថយន្ដម៉ាក តាកូម៉ា បុកពីក្រោយបណ្ដាលអោយអូសទាំងមនុស្សទាំងម៉ូតូជាច្រើនម៉ែត្រ រីឯអ្នកបើកម៉ូតូរងរបួសធ្ងន់ធ្ង ។តាមប្រភពសាច់ញ្ញាតិជនរងគ្រោះបញ្ជាក់ថា ជនរងគ្រោះឈ្មោះ កែន ពិតូ គាត់មាន(សតិមិនគ្រប់)ភេទប្រុស អាយុ ៣០ឆ្នាំ រស់នៅភូមិ០២ សង្កាត់លេខ២ ក្រុង/ខេត្តព្រះសីហនុ ។
ក្រោយពីកើតហេតុមន្រ្តីចរាចរណ៍ផ្លូវគោកមកដល់រៀបចំសណ្ដាប់ធ្នាប់ហើយក៏វាស់វែងនឹងបញ្ជូនអ្នករងគ្រោះទៅកាន់មន្ទីរពេទ្យហើយក៍បាននាំយកវត្ថុតាងទៅរក្សាទុកនៅការិយាល័យចរាចរណ៍ផ្លូវគោកដើម្បីរង់ចាំការដោះស្រាយ ៕
