ខេត្តបន្ទាយមានជ័យ ៖ បុរសវ័យចំណាស់ម្នាក់ ត្រូវបានឃាតកយកកាំបិតមកកាប់ប្រហារ ៥កាំបិត បណ្តាលឲ្យស្លាប់ក្នុងថ្លុកឈាម ខណៈកំពុងដើរទៅដាក់មងរកត្រី ដោយខឹងជនរងគ្រោះក្បត់ពាក្យសន្យា ថានឹងលើកកូនស្រីឲ្យ តែចុងក្រោយបែរជាលើកកូនឲ្យអ្នកផ្សេងរៀបការជាមួយទៅវិញ បង្កការភ្ញាក់ផ្អើលកាលពីវេលាម៉ោង ២ និង ៤៥នាទី រសៀលថ្ងៃទី២៥ ខែ តុលា ឆ្នាំ ២០២១ ក្នុងភូមិ ចំណោម ខាងកើត ឃុំ ចំណោម ស្រុក មង្គល បូ រី ខេត្តបន្ទាយមានជ័យ ។

សមត្ថកិច្ចបានឲ្យដឹងថា ជនសង្ស័យដែលឃាត់ខ្លួនបានមានឈ្មោះ ជា ស៊ិ ធី ភេទ ប្រុស អាយុ ២៧ ឆ្នាំ រស់នៅក្នុងភូមិខាងលើ ។ ចំណែក ជន រង គ្រោះមាន ឈ្មោះ ញើ ង សុ ផាត ហៅតុ ត ភេទ ប្រុស អាយុ ៤៦ ឆ្នាំ។

សមត្ថកិច្ចបានឲ្យដឹងថា បន្ទាប់ពីកាប់សម្លាប់គេរួច ជនសង្ស័យក៏បានចូលមកសារភាពទោសកំហុស ដល់ប៉ុស្តិ៍ប៉ូលិសតែម្តង ហើយបើតាមការសារភាព ជនសង្ស័យបានរៀបរាប់ថា ខ្លួនខឹងជនរងគ្រោះបោក ដោយគុំជាង២ឆ្នាំមកហើយ ព្រោះជនរងគ្រោះបានបោកខ្លួន ថានឹងលើកកូនស្រីឲ្យ និងខំជួយធ្វើស្រែឲ្យជនរងគ្រោះជាច្រើនឆ្នាំ តែចុងក្រផយជនរងគ្រោះក្បត់ពាក្យសន្យា លើកកូនឲ្យអ្នកផ្សេងរៀបការជាមួយទៅវិញ ទើបដាច់ចិត្តមកកាប់សម្លាប់តែម្តង។

ពេលនេះ ជនសង្ស័យខាងលើ ត្រូវបាននគរបាលស្រុក មង្គល បូ រី ធ្វើការចាប់ឃាត់ខ្លួន បញ្ជូន ទៅកាន់ ការិយាល័យ នគរបាល ព្រហ្មទណ្ឌ កំរិត ធ្ងន់ ខេត្តបន្ទាយមានជ័យ ដើម្បី កសាង សំណុំរឿងចាត់ការ តាម នីតិវិធីច្បាប់បន្តទៀត ៕