រាជធានីភ្នំពេញ ៖ រថយន្ដដឹកដី មួយគ្រឿង បានបុកគ្នាជាមួយនិងរថយន្ដព្រូស បណ្ដាលអោយរងការខូចខាតយ៉ាងដំណំ កាលពីវេលាម៉ោង១២យប់ ឈានចូលថ្ងៃទី ២៨ ខែតុលា ឆ្នាំ២០២១ នៅតាមបណ្ដោយផ្លូវ៥១ កែងផ្លូវ ២១៤ ក្នុងសង្កាត់បឹងរាំង ខណ្ឌដូនពេញ រាជធានីភ្នំពេញ។

យោងតាមប្រព័ត៌មានពីសមត្ថកិច្ចបានឲ្យដឹងថា មុនពេលកើតហេតុ គេបានឃើញរថយន្ដព្រូសមួយគ្រឿង ដែលពាក់ស្លាកលេខ ភ្នំពេញ 2AP-7487 បើកបរយ៉ាងលឿនក្នុងទិសលិចមកកើត មកដល់ចំណុចកើតហេតុ ផ្លូវបំបែកជាបួន ក៏បានបុកគ្នាជាមួយនិងរថយន្ដដឹកដីធន់ធំមួយគ្រឿង ដែលពាក់ស្លាកលេខ ភ្នំពេញ 3E-5540 ក្នុងទិសដៅពីត្បូងមកជើង ក៏បានបុកគ្នាពេញមួយទំហឹងតែម្តង បណ្ដាលអោយរថយន្ដទំាង២គ្រឿងរងការខូចខាត់យ៉ាងដំណំ។

ក្រោយពេលកើតហេតុ សមត្ថកិច្ចជំនាញចរាចរណ៍ នៃអធិការដ្ឋាននគរបាលខណ្ឌដូនពេញ បានធ្វើការស្ទូចរថយន្តយកទៅរក្សាទុកនៅឯអធិការដ្ឋាននគរបាលខណ្ឌដូនពេញ ដើម្បីរង់ចាំម្ចាស់រថយន្ដទាំងសងខាង ចូលមកដោះស្រាយគ្នាទៅតាមផ្លូវច្បាប់៕ Mrr Ka