រាជធានីភ្នំពេញ ៖ បុរសម្នាក់ជនបរទេសម្នាក់ បើករថយន្តFord ស៊េរីទំនើប ទៅបុកម៉ូតូមួយគ្រឿង បណ្ដាលឲ្យរងរបួសស្រាលម្នាក់ និងរងការខូចខាតទាំងរថយន្តនិងម៉ូតូយ៉ាងដំណំ បង្កការភ្ញាក់ផ្អើលកាលពីវេលាម៉ោង ៩យប់ ថ្ងៃទី ២៨ ខែតុលា ឆ្នាំ២០២១ នៅចំណុចផ្លូវសហព័ន្ធរុស្ស៊ី ក្នុងសង្កាត់វាលវង់ ខណ្ឌ៧មករា រាជធានីភ្នំពេញ។

ប្រភពព័ត៌មានពីម្ចាស់រថយន្ដ បានឲ្យដឹងថា មុនពេលកើតហេតុ គេបានបើករថយន្ដ Ford មួយគ្រឿង ដែលពាក់ស្លាកលេខ ភ្នំពេញ 2AX-2155 បើកតាមបណ្ដោយផ្លូវសហព័ន្ធរុស្សី ក្នុងទិសដៅពីកើតមកលិច ក៏មានម៉ូតូឌ្រីមសេ១២៥ មួយគ្រឿង ដែលពាក់ស្លាកលេខ ពោធីសាត់ 1L-0413 បើកបរដោយបុរសម្នាក់ ក្នុងទិសដៅពីលិច មកដល់មកដល់ចំណុចកើតហេតុ ក៏បានបុកគ្នាពេញទំហឹង បណ្ដាលឲ្យអ្នកជិះម៉ូតូ រងរបួសស្រាល ។

ភ្លាមៗ គេក៏ឃើញមានសមត្ថកិច្ចជំនាញចរាចរណ៍ បានចុះមកធ្វើការពិនិត្យវាស់វែង និងបានយករថយន្តនិងម៉ូតូទៅរក្សាទុកនៅអធិការដ្ឋាននគបាលខណ្ឌ៧មករា ដើម្បីរង់ចាំភាគីទាំងសងខាង ដោះស្រាយគ្នាទៅតាមផ្លូវច្បាប់៕ Mrr Ka