រាជធានីភ្នំពេញ ៖ ករណីគ្រោះថ្នាក់ចរាចរណ៍មួយ បានកើតឡើង រវាងរថយន្ដ២គ្រឿង បានបុកគ្នា ចំផ្លូវបំបែកជាបួន បណ្ដាលអោយរងការខូចខាតយ៉ាងដំណំ កាលពីវេលាម៉ោង១២ យប់ឈានចូលថ្ងៃទី ៣០ ខែតុលា ឆ្នាំ២០២១ នៅតាមបណ្ដោយផ្លូវ ២០០៤ សង្កាត់ ចោមចៅទី១ ខណ្ឌពោធិ៍សែនជ័យ រាជធានីភ្នំពេញ។

ប្រព័ត៌មានពីសមត្ថកិច្ចបានឲ្យដឹងថា មុនពេលកើតហេតុគេបានឃើញរថយន្ដហាយឡែនឌ័រ មួយគ្រឿង ដែលពាក់ស្លាកលេខ ភ្នំពេញ 2 AW-6960 បើកបរយ៉ាងលឿនក្នុងកើតមកលិច មកដល់ចំណុចកើតហេតុ ផ្លូវបំបែកជាបួន ក៏បានបុកគ្នាជាមួយនិងរថយន្ដ តាកូម៉ា មួយគ្រឿង ដែលពាក់ស្លាកលេខភ្នំពេញ 2AQ-3581 ក្នុងទិសដៅពីកើតមកលិច ពេញទំហឹងចំផ្លូវបំបែកជាបួន បណ្ដាលអោយរថយន្ដទំាង២គ្រឿងរងការខូចខាតយ៉ាងដំណំ។

ក្រោយកើតហេតុ សមត្ថកិច្ចជំនាញចរាចរណ៍ នៃអធិការដ្ឋាននគរបាលខណ្ឌពោធិ៍សែនជ័យបានធ្វើការស្ទូចរថយន្តយកទៅរក្សាទុក នៅឯអធិការនគរបាលខណ្ឌពោធិ៍សែនជ័យ ដើម្បីរង់ចាំម្ចាស់រថយន្ដទាំងសងខាងចូលមកដោះស្រាយគ្នាទៅតាមផ្លូវច្បាប់៕ Mrr Ka