រាជធានីភ្នំពេញ ៖ យុវជនម្នាក់អង្គុយលេងនៅសួនក្ដាន់២ត្រូវបានជនសង្ស័យម្នាក់រត់មកឆក់ទូរសពដៃបានសម្រេចតែត្រូវបានបងប្អូនប្រជាពលរដ្ឋឃាត់ខ្លួនបានប្រគល់អោយសមត្ថកិច្ច នៅលើកសួនក្ដាន់២ ស្ថិតនៅសង្កាត់មិត្តភាព ខណ្ឌ៧មករា រាជធានី ភ្នំពេញ នាវេលាម៉ោង ១យប់ត្រូវនិងថ្ងៃទី ៣ខែវិច្ឆិកា ឆ្នាំ ២០២១នេះ។

យោងតាមព័ត៌មានបឋមពីសមត្ថកិច្ចបានឱ្យដឹងថាមុនពេលកើតហេតុជនរងគ្រោះបានមកអង្គុយលេងនៅលើសួនខ្តាន់ពីរកំពុងតែនិយាយទូរស័ព្ទស្រាប់តែមានជនសង្ស័យម្នាក់បានរត់មកឆក់ទូរសព្ទដៃម៉ាក iphone 7 plus ពីគាត់ភ្លាមនោះជនរងគ្រោះក៏បានរតដេញតាមនិងស្រែកអោយគេជួយសំណាងល្អក៏មានបងប្អូនប្រជាពលរដ្ឋដែលទីនោះឃើញក៏ជួយដេញចាប់បានប្រគល់អោយសមត្ថកិច្ចមូលដ្ឋាន។

ក្រោយពេលកើតហេតុសមត្ថកិច្ចមូលដ្ឋានក៏បានមកដល់បានធ្វើការឃាត់ខ្លួនជនសង្ស័យម្នាក់ដែលធ្វើសកម្មភាពឆក់ទូរស័ព្ទយកមកប៉ុស្ដិ៍នគបាលសង្កាត់មិត្តភាពដើម្បីធ្វើតាមនីតិវិធីច្បាប់ ៕