រាជធានីភ្នំពេញ ៖ បុរសម្នាក់បើករថយន្ត Range Rover ស៊េរីទំនើបមួយគ្រឿង បានបុកបង្កាន់ដៃស្ពាន អាកាសស្ទឹងមានជ័យ បណ្ដាលរថយន្ដ រងការខូចខាតយ៉ាងដំណំ កាលពីវេលាម៉ោង១១យប់ ថ្ងៃទី៤ ខែវិច្ឆិកា ឆ្នាំ២០២១ នៅតាមបណ្ដោយផ្លូវ ២៧១ ក្នុងសង្កាត់ស្ទឹងមានជ័យ ខណ្ឌមានជ័យ រាជធានីភ្នំពេញ។

ប្រភពព័ត៌មានពីសមត្ថកិច្ចបានឲ្យដឹងថា មុនពេលកើតហេតុ គេបានឃើញបុរសម្នាក់ បើករថយន្តRange Rover ស៊េរីទំនើបមួយគ្រឿង ដែលពាក់ស្លាកលេខ ភ្នំពេញ 2AF-6663 បានបើកទៅបុកបង្កាន់ដៃស្ពានអាកាសស្ទឹងមានជ័យ បណ្ដាលរថយន្ដរងការខូចខាតយ៉ាងដំណំ សំណាងល្អមិនមានមនុស្សរងបួសឡើយ ហើយបន្ទាប់ពីកើតហេតុភ្លាម ម្ចាស់រថយន្ដបានបើកទ្វារថយន្ដ គេចចេញពីកន្លែងកើតហេតុបាត់សល់តែរថយន្តប៉ុណ្ណោះ ។

ក្រោយពេលកើតហេតុ សមត្ថកិច្ចជំនាញចុះមកធ្វើការវាស់វែង យករថយន្តបង្កខាងលើ ទៅរក្សាទុកនៅការិយាល័យចរាចរណ៍ផ្លូវគោកនៃស្នងការដ្ឋាននគរបាលរាជធានីភ្នំពេញ រង់ចាំម្ចាស់ចូលខ្លួនមកធ្វើការដោះស្រាយគ្នាតាមផ្លូវច្បាប់បន្តទៀត៕ Mrr Ka