រាជធានីភ្នំពេញ ៖ រថយន្តFord មួយគ្រឿង បានជួបគ្រោះថ្នាក់ចរាចរណ៍ បុកជាមួយម៉ូតូមួយគ្រឿងទៀត បណ្ដាលអោយមានអ្នករងរបួស បង្កការភ្ញាក់ផ្អើលដល់សមត្ថកិច្ចចុះមកធ្វើការពិនិត្យវាស់វែង កាលពីវេលាម៉ោង ១យប់ឈានចូល ថ្ងៃទី ៦ ខែ វិច្ឆិកា ឆ្នាំ២០២១ នៅតាមបណ្ដោយផ្លូវព្រះនរោត្តម នៅក្នុងសង្កាត់ទន្លេបាសាក់ ខណ្ឌចំការមន រាជធានីភ្នំពេញ ។
ប្រភពព័ត៌មានពីបងប្អូនប្រជាពលរដ្ឋ បានឲ្យដឹងថា មុនពេលកើតហេតុ គេបានឃើញរថយន្ត Ford មួយគ្រឿង ដែលពាក់ស្លាកលេខ ភ្នំពេញ 2BQ-1808 បើកបរដោយបុរសម្នាក់ តាមបណ្ដោយផ្លូវព្រះនរោត្តម មកដល់ចំណុចកើតហេតុក៏បានបុកម៉ូតូជាមួយម៉ូតូម៉ាក Waes RSX ដែលពាក់ស្លាកលេខ ភ្នំពេញ 1GY-1512 បានបុកពីក្រោយ បណ្ដាលឲ្យម្ចាស់ម៉ូតូរងរបួសស្រាល។
ក្រោយពេលកើតហេតុ សមត្ថកិច្ចមូលដ្ឋានក៏បានមកដល់ និងបានធ្វើការឃាត់ម្ចាស់រថយន្ត និងយករថយន្តម៉ូតូយកទៅរក្សាទុកនៅអធិការដ្ឋាននគរបាលខណ្ឌចំការមន ដើម្បីរង់ចាំភាគីទាំងសង្ខាងដោះស្រាយគ្នាតាមផ្លូវច្បាប់បន្តទៀត ៕ Mrr Tra.
