ខេត្តព្រះសីហនុ ៖ រថយន្តចំនួន១គ្រឿងម៉ាកព្រូសបានបើកទៅបុកខឿននៅតាមបណ្ដោយមាត់ឆ្នេរបណ្ដាលឱ្យរងការខូចខាតផ្នែកខាងមុខនៃរថយន្តយ៉ាងដំណំ។ ហេតុការណ៍នេះបានកើតឡើងនៅវេលាម៉ោង ៩:៣០នាទី យប់ថ្ងៃទី ០៦ ខែ វិច្ឆិកាឆ្នាំ២០២១ ក្បែរហ្នឹងដំណាក់ស្ដេចគឺនៅចុងឆ្នេរអារីស្តុន ស្ថិតនៅក្នុងភូមិ ០៤ សង្កាត់លេខ ០៤ ក្រុងព្រះសីហនុខេត្តព្រះសីហនុ។

យោងតាមប្រភពពីប្រជាពលរដ្ឋនៅកន្លែងកើតហេតុបានបញ្ជាក់ឲ្យបានដឹងថា មុនពេលកើតហេតុបានឃើញរថយន្តម៉ាក Prius ពាក់ស្លាកលេខ ខេមរៈភូមិន្ទ 2-9535 បើកបរដោយប្រុសស្រីចំនួន ០២ នាក់ បានបើកបរនៅក្នុងទិសដៅពីឆ្នេរអូរត្រេះ១ សំដៅមកផ្លូវអារីស្តុន ដោយផ្លូវមានសភាពកែងនិងកោងខ្លាំង ដោយរថយន្តបួងចង្កូតមិនទាន់បានជ្រុលចង្កូតទៅបុកខឿនរួចផ្លោងទៅបុកនិងរនាំងមាត់ឆ្នេរបណ្ដាលឲ្យរថយន្តរងការខូចខាតយ៉ាងដំណំចំណែកឯមនុស្សត្រូវបានបញ្ជូនទៅមន្ទីរពេទ្យភ្លាមៗ។

ក្រោយពេលកើតហេតុសមត្ថកិច្ចនគរបាលចរាចរណ៍ផ្លូវគោកបានធ្វើការវាស់វែងនឹងលើកយករថយន្តខាងលើទៅរក្សាទុកនៅការិយាល័យចរាចរណ៍ដើម្បីធ្វើការដោះស្រាយតាមនីតិវិធី។