រាជធានីភ្នំពេញ ៖ រថយន្ដ២គ្រឿង បើកបរខ្វះការប្រុងប្រយត្ន័ បានបុកគ្នាពេញទំហឹង បណ្ដាលឲ្យរងការខូចខាតទាំងសងខាង កាលពីវេលាម៉ោង ១២យប់ ឈានចូលថ្ងៃទី៨ ខែវិច្ឆិកា ឆ្នាំ២០២១ នៅតាមបណ្ដោយផ្លូវ ៥៩៨ សង្កាតបឹងកក់ទី២ ខណ្ឌទួលគោក រាជធានីភ្នំពេញ។

ប្រភពព័ត៌មានពីបងប្អូនប្រជាពលរដ្ឋ និងសមត្ថកិច្ចមូលដ្ឋាន បានឲ្យដឹងថា មុនពេលកើតហេតុ គេបានឃើញរថយន្តហាយឡែនឌ័រ មួយគ្រឿង ដែលពាក់ស្លាកលេខ ភ្នំពេញ 2BD-9695 បើកបរដោយបុរសម្នាក់ តាមបណ្ដោយផ្លូវ៥៩៨ ក្នុងទិសទៅពីកើតមកលិច ដល់ចំណុចកើតហេតុ ក៏បានរេចង្កូតទៅបុកនឹងរថយន្តកាមរីបាឡែនមួយគ្រឿង ដែលពាក់ស្លាកលេខ ភ្នំពេញ 2W-2230 បានបុកគ្នាពេញមួយទំហឹង បណ្ដាលឲ្យរថយន្តទាំង២គ្រឿងរងការខូចខាតយ៉ាងដំណំ សំណាស់ណាស់ គ្មាននរណាម្នាក់ រងរបួសនោះទេ។

ក្រោយកើតហេតុ សមត្ថកិច្ចជំនាញចរាចរណ៍ផ្លូវគោក របស់អធិការនគរបាលខណ្ឌទួលគោក បានមកដល់ទីតាំងចំណុចកើតហេតុខាងលើ ដោយបានធ្វើការវាស់វែង យករថយន្តទាំង២គ្រឿង យកទៅទុកនៅឯអធិការដ្ឋាននគរបាលខណ្ឌទួលគោក ដើម្បីរង់ចាំភាគីទាំងសងខាងដោះស្រាយគ្នាតាមនិតិវិធីច្បាប់៕ Mrr Tra