រាជធានីភ្នំពេញ ៖ មេឃកំពុងធ្លាក់ភ្លៀងខ្លាំងផង ស្រាប់តែមានបុរសម្នាក់ បានបើករថយន្តព្រូស មួយគ្រឿង សង្ស័យក្នុងល្បឿនលឿនខ្វះការប្រុងប្រយត្ន័ បានរេចង្កូតបុករបាំងថ្មពុះចែកទ្រូងផ្លូវ បណ្ដាលរថយន្ដរងការខូចខាតយ៉ាងដំណំ កាលពីវេលាម៉ោង ១យប់ ឈានចូលថ្ងៃទី៨ ខែវិច្ឆិកា ឆ្នាំ ២០២១ នៅតាមបណ្តោយផ្លូវសហព័រុស្សី ក្នុងសង្កាត់ផ្សារដេប៉ូទី៣ ខណ្ឌទួលគោក រាជធានីភ្នំពេញ។

ប្រភពព័ត៌មាននៅកន្លែងកើតហេតុ បានឲ្យដឹងថា មុនពេលកើតហេតុ គេបានឃើញរថយន្តព្រូស មួយគ្រឿង ដែលពាក់ស្លាកលេខ ភ្នំពេញ 2AI-1327 បើកយ៉ាងលឿន ពេលមេឃកំពុងធ្លាក់ភ្លៀងយ៉ាងខ្លាំង សង្ស័យខ្វះការប្រុងប្រយត្ន័ ក៏បានរេចង្កូតបុកទ្រូងផ្លូវ បណ្ដាលឲ្យរថយន្ដខ្ទេចមួយកំណាត់មុខ។ ចំណែកឯអ្នកបើករថយន្តវិញ មិនមានរងរបួសឡើយ ។

ក្រោយពេលកើតហេតុ សមត្ថកិច្ចមូលដ្ឋាន បានទាក់ទងសមត្ថកិច្ចជំនាញចរាចរណ៍របស់ស្នងការដ្ឋាននគរបាលរាជធានីភ្នំពេញ ធ្វើការវាស់វែង និងស្ទូចរថយន្តយកទៅរក្សាទុកនៅស្នងការនគរបាលរាជធានីភ្នំពេញ រង់ចាំម្ចាស់ចូលមកដោះស្រាយទៅតាមផ្លូវច្បាប់ ៕ Mrr Tra