រាជធានីភ្នំពេញ ៖ ខណៈមេឃកំពុងធ្លាក់ភ្លៀងយ៉ាងខ្លាំង បុរសម្នាក់ បានបើករថយន្តម៉ាក Vigo មួយគ្រឿង បានរេចង្កូតបុករបាំងថ្មចែកទ្រូងផ្លូវ បណ្ដាលឲ្យរថយន្ដរងការខូចខាតយ៉ាងដំណំ កាលពីវេលាម៉ោង ១២យប់ ឈានចូលថ្ងៃទី១០ ខែវិច្ឆិកា ឆ្នាំ២០២ តាមបណ្តោយផ្លូវជាតិលេខ២ ក្នុងសង្កាត់ ចាក់អង្រែក្រោម ខណ្ឌមានជ័យ រាជធានីភ្នំពេញ។

ប្រភពព័ត៌មាននៅកន្លែងកើតហេតុ បានឲ្យដឹងថា មុនពេលកើតហេតុ គេបានឃើញរថយន្ត Vigo មួយគ្រឿង ដែលពាក់ស្លាកលេខ រដ្ឋ 2-2063 បើកយ៉ាងលឿន ពេលមេឃកំពុងធ្លាក់ភ្លៀង មិនប្រយ័ត្ន ក៏បានរ៉េចង្កូត បុកទ្រូងផ្លូវ បណ្ដាលឲ្យរថយន្ដខ្ទេចមួយកំណាត់មុខ ។ ចំណែកឯអ្នកបើករថយន្តវិញ រងរបួស ត្រូវបានរថយន្ដសាមុយ ដឹកបញ្ជូនទៅមន្ទីរពេទ្យ។

ក្រោយពេលកើតហេតុ សមត្ថកិច្ចមូលដ្ឋាន បានទាក់ទងសមត្ថកិច្ចជំនាញចរាចរណ៍ក្រុង ចុះមកធ្វើការវាស់វែង យករថយន្តខាងលើ ទៅរក្សាទុកនៅការិយាល័យចរាចរណ៍ផ្លូវគោក នៃស្នងការដ្ឋាននគរបាលរាជធានីភ្នំពេញ រង់ចាំដោះស្រាយគ្នាតាមច្បាប់បន្តទៀត ៕ Mrr Ka