បន្ទាយមានជ័យ៖ ស៊ីឈ្នួលដកដំឡូងមីអោយគេទាំងគ្រួសារបើកគោយន្តដឹកដំឡូងមីមិនប្រយ័ត្នកិនកូនប្រុសអាយុ៣ខួបស្លាប់នៅវេលាម៉ោង២រសៀល ថ្ងៃទី២៩ ខែមីនា ឆ្នាំ២០២១ ស្ថិតនៅចំការប្រមាណ១០គីឡូម៉ែត្រ ពីភូមិគោកសំរោង ឃុំបន្ទាយឆ្មារ ស្រុកថ្មពួក។
មន្ត្រីនគរបាលប៉ុស្តិ៍ឃុំបន្ទាយឆ្មារបានប្រាប់ថា៖កុមារារងគ្រោះឈ្មោះ វ័ន វ៉ាន់អ៊ី អាយុ០៣ឆ្នាំ ឪពុកជាជនបង្កគ្រោះថ្នាក់ឈ្មោះ លឹម ម៉ុន អាយុ៣៧ឆ្នាំ ម្តាយឈ្មោះ សយ សាវង្ស អាយុ៣៣ឆ្នាំ មានស្រុកកំណើតភូមិទានកាំ ឃុំទានកាំ ស្រុកព្រះនេត្រព្រះ។
មន្ត្រីនគរបាលប៉ុស្តិ៍បានបញ្ជាក់ថា៖ តាមសម្តីម្តាយកុមាររងគ្រោះនៅពេលគ្រោះថ្នាក់កើតឡើង គឺប្តីរបស់ខ្លួនជាឪពុកកុមារារងគ្រោះសម្រាកពីដកដំឡូងមីបានបើកគោយន្តកន្ត្រៃដឹកដំឡូងមីចេញពីចំការហើយដោយមិនបានប្រុងប្រយ័ត្នដែលកូនរត់ទៅរកមិនបានមើលកិនកូនប្រុសស្លាប់នឹងកន្លែងកើតហេតុ មន្ត្រីនគរបាលជំនាញចុះទៅពិនិត្យហើយនាំយកឪពុកសាកសួរនិងអនុវត្តបន្ត។
មន្ត្រីនគរបាលបានបញ្ជាក់ថា៖ គ្រួសារក្មេងរងគ្រោះគឺមកស៊ីឈ្នួលដកដំឡូមីអោយគេទាំងគ្រួសារ ក្រោយទំនេពីដកដំឡូងមី បានបើកគោយន្តដឹកដំឡូងមីមិនប្រុងប្រយ័ត្នកិនកូនស្លាប់និងកន្លែង ក្រោយពិនិត្យហើយប្រគល់ម្តាយយកទៅធ្វើបុណ្យតាមប្រពៃណីយ៍៕ដោយ៖ចន្ត្រា
