បន្ទាយមានជ័យ៖ឃាត់ខ្លួនជនសង្ស័យប្រុស/ស្រី២នាក់ប្រើប្រាស់និងចែកចាយគ្រឿងញៀនយ៉ាងសកម្មត្រូវបានបញ្ជូនទៅសាលាដំបូងខេត្តបន្ទាយមានជ័យចាត់ការតាមច្បាប់នៅថ្ងៃទី១៨ ខែមេសា ឆ្នាំ២០២១។
លោកវរៈសេនីយ៍ឯក ជា តារា មេបញ្ជាការកងរាជអាវុធហត្ថខេត្តបន្ទាយមានជ័យបានប្រាប់ថា៖ជនសង្ស័យ២នាក់មាន១.ឈ្មោះ ហេង សុភាព ហៅអូ ភេទប្រុសអាយុ២៨ឆ្នាំ ២.ឈ្មោះ យ៉ាន់ សុហួរ ភេទស្រីអាយុ១៨ឆ្នាំជនសង្ស័យទាំង២នាក់រស់នៅភូមិតាង៉ែន ឃុំតាក្រៀម ស្រុកថ្មគោល ខេត្តបាត់ដំបង។
លោកបានបញ្ជាក់ថា៖នៅពេលឃាត់ខ្លួនជនសង្ស័យគឺកម្លាំងកងរាជអាវុធហត្ថខេត្តបន្ទាយមានជ័យ បានទទួលព័ត៌មានស្រាវជ្រាវឃាត់ខ្លួនជនសង្ស័យប្រុស/ស្រី២នាក់និងវត្ថុតាងគ្រឿងញៀនប្រភេទម្ស៉ៅក្រាមពណ៌សថ្លា២ថង់ស្មើ១៣,៩១ក្រាមជាប្រភេទខេទឹកកកនិងមធ្យោបាយម៉ូតូ១គ្រឿងដែលឃាត់កាលពីថ្ងៃទី១៦ ខែមេសា ឆ្នាំ២០២១នៅភូមិតាមៅ ឃុំសឿ ស្រុកមង្គលបូរី។
លោកវរៈសេនីយ៍ឯក ជា តារា បានបញ្ជាក់ថា៖ក្រោយពេលឃាត់ខ្លួនជនសង្ស័យប្រុស/ស្រី២នាក់និងវត្ថុតាងគ្រឿងញៀនត្រូវបានបញ្ជូនទៅសាកសួរតាមចម្លើយសារភាពត្រូវបានកសាងសំណុំរឿងបញ្ជូនទៅសាលាដំបូងខេត្តបន្ទាយមានជ័យចាត់ការតាមច្បាប់៕ដោយ៖ចន្ត្រា
