រាជធានីភ្នំពេញ ៖ មាន​ករណី​អគ្គីភ័យ​ឆេះរថយន្ត ហាយឡែនឌ័រ មួយគ្រឿង យ៉ាងសន្ធោសន្ធៅ​បង្កការភ្ញាក់ផ្អើលដល់អ្នកដំណើរ កាលពី ព្រឹក ថ្ងៃទី១៣ ខែធ្នូ ឆ្នាំ២០២៣នេះ ស្ថិតនៅតាម​បណ្ដោយ​ផ្លូវល្បឿនលឿន ។

តាមប្រភពព័ត៌មានបានឲ្យដឹងថា គ្រោះអគ្គិភ័យនេះ កើតឡើងដោយសារបច្ចេកទេសរថយន្តផ្ទាល់ ដោយរថយន្តដែលឆេះនេះ ជាប្រភេទរថយន្តតាក់ស៊ី ខេត្តព្រះសីហនុ-ភ្នំពេញ ។

ភ្លាមៗ ក្រុមហ៊ុនផ្លូវល្បឿនលឿន សហការជាមួយផ្នែកពាក់ព័ន្ធ អន្តរាគមន៍លើករណីនេះ និងសម្រួលការធ្វើចរាចរាចរណ៍លើផ្លូវល្បឿនលឿនជាប្រក្រតីឡើងវិញផងដែរ ៕ មេសា