រាជធានីភ្នំពេញ ៖ បុរសម្នាក់បើករថយន្តកូរ៉ូឡាមួយគ្រឿង បត់ឆ្លងផ្លូវ ក៏ត្រូវបានយុវជន២នាក់ បើកម៉ូតូយ៉ាងលឿន បុករថយន្តពេញទំហឹង ធ្វើឲ្យម៉ូតូកៀបជាប់អូសចម្ងាយ ៣០ម៉ែត្រ របួសធ្ងន់២នាក់ ត្រូវបានបញ្ជូនទៅមន្ទីរពេទ្យ។

ហេតុការណ៍នេះកើតឡើងនៅតាមបណ្ដោយផ្លូវវេងស្រេង ស្ថិតនៅក្នុងភូមិជ្រៃកោង ក្នុងសង្កាត់ចោមចៅទី២ ខណ្ឌពោធិ៍សែនជ័យ រាជធានីភ្នំពេញ វេលាម៉ោង២យប់ឈានចូលថ្ងៃទី១៣ ខែធ្នូ ឆ្នាំ២០២៣ ។

តាមប្រភពព័ត៌មានពីបងប្អូនប្រជាពលរដ្ឋ បានឲ្យដឹងថា មុនពេលកើតហេតុ គេបានឃើញបុរសម្នាក់ បើករថយន្ដកូរ៉ូឡាមួយគ្រឿង ដែលពាក់ស្លាកលេខ ភ្នំពេញ 2AZ9654 ធ្វើដំណើរតាមបណ្ដោយផ្លូវវេងស្រេង បត់ឆ្លងផ្លូវ ភ្លាមនោះក៏មានយុវជន២នាក់បានជិះម៉ូតូ Honda Msla មួយគ្រឿង ដែលពាក់ស្លាកលេខ ភ្នំពេញ 1JG 5513 បុកយន្តពេញមួយទំហឹង បណ្ដាលឲ្យរថយន្តនឹងម៉ូតូកៀបជាប់គ្នា អូសចម្ងាយប្រហែលជា ៣០ម៉ែត្រ របួសធ្ងន់២នាក់ ត្រូវបានបញ្ជូនទៅមន្ទីរពេទ្យ។

ក្រោយកើតហេតុ សមត្ថកិច្ចក៏បានមកដល់ បានធ្វើការវាស់វែងយករថយន្តនិងម៉ូតូ ទៅរក្សាទុក​ នៅឯស្នងការចរាចរណ៍ផ្លូវគោក ដើម្បីរង់ចាំការដោះស្រាយគ្នានៅពេលក្រោយទៀត៕ Mrr Ka