រាជធានីភ្នំពេញ ៖ បុរសម្នាក់ទុកម៉ូតូចោល នៅលើស្ពានជ្រោយចង្វារ រួចលោតទឹកសម្លាប់ខ្លួនលិចបាត់ឈឹង បង្កការភ្ញាក់ផ្អើលកាលពីវេលាម៉ោង រាជធានីភ្នំពេញ ១១យប់ ថ្ងៃទី១៣ ខែធ្នូ ឆ្នាំ២០២៣ ។

តាមប្រព័ត៌មានពីបងប្អូនប្រជាពលរដ្ឋ បានឲ្យដឹងថា មុនពេលកើតហេតុ គេបានឃើញបុរសម្នាក់ ជិះម៉ូតូម៉ាក Suzuki ស្មាស់មួយគ្រឿង ពាក់ស្លាកលេខ ភ្នំពេញ 1IQ-0070 បានឈប់នៅលើស្ពានជ្រោយចង្វារមួយសន្ទុះ ក្រោយមកបុរសខាងលើ ក៏បានសម្រេចចិត្តធ្វើអត្តឃាតលោតពីលើស្ពានជ្រោយចង្វារលិចបាត់ឈឹងតែម្តង សល់តែម៉ូតូនិងមួកការពារសុវត្ថិភាពតែប៉ុណ្ណោះ ។

ក្រោយកើតហេតុ សមត្ថកិច្ចដែលនៅខាងក្រោមស្ពានជ្រោយចង្វារត្រើយខាងលិច ក៏បានយកម៉ូតូជនរងគ្រោះទៅរក្សាទុក ដើម្បីរង់ចាំសាច់ញាតិមកទទួលយកត្រឡប់ទៅវិញ។ ចំណែកឯជនរងគ្រោះ ដែលលោតទឹកពីលើស្ពានជ្រោយចង្វារខាងលើនោះនេះ នៅមិនទាន់ដឹងថាគាត់ស្លាប់ ឬក៏រស់នៅឡើយទេ ៕ Mrr Ka