រាជធានីភ្នំពេញ ៖ ម៉ែឪខំទិញម៉ូតូល្អៗឲ្យជិះ បែរជាលោកកូនទាំងនេះ កង់២មិនចេះជិះ ជិះតែកង់មួយ បង្ហោះយ៉ាងអាណាធិបតេយ្យតាមដងផ្លូវ មិនខ្លាចគ្រោះថ្នាក់ដល់អ្នកដ៍ទៃ ត្រូវបានសមត្ថកិច្ចនគរបាលខណ្ឌសែនសុខ ឃាត់ខ្លួនបាន ឲ្យដោះកង់ខាងមុខចេញ លោតជើងមួយ ជុំវិញម៉ូតូ និងស្រែកថា ខ្ញុំឈប់បង្ហោះម៉ូតូទៀតហើយ ។

ក្នុងនោះយោងតាមផេកផ្លូវការរបស់ ស្នងការដ្ឋាននគរបាលរាជធានីភ្នំពេញ បានឲ្យដឹងថា ក្រុមក្មេងទំនើងដែលបង្ហោះម៉ូតូតាមផ្លូវសារធារណៈ នៅសង្កាត់ឃ្មួញ ខណ្ឌសែនសុខ កាលពីថ្ងៃទី១២ ខែមីនា ឆ្នាំ២០២៤ ត្រូវបាន សមត្ថកិច្ចបានធ្វើការអប់រំណែនាំ ធ្វើកិច្ចសន្យា ដោយមានការធានាពីអាណាព្យាបាល៕