រាជធានីភ្នំពេញ៖ ពលរដ្ឋផ្ញើរូបភាពមកថាផ្ទះពេទ្យធ្មេញនេះ មានបង្កប់ល្បែងភ្នាល់ស៊ីសងតាមអនឡាញនៅខាងក្នុង និងគោរពផ្ញើជូនដល់អាជ្ញាធរខណ្ឌដូនពេញ បានជ្រាបជាដំណឹងផង នៅចំណុចផ្ទះមួយកន្លែងមានដាក់អក្សរ ពេទ្យធ្មេញ ខាងក្នុងមានលួចបើកបង្កប់ល្បែងភ្នាល់ស៊ីសងតាមអនឡាញ ស្ថិតនៅតាមផ្លូវលេខ១៣ ភូមិ១៤ សង្កាត់ផ្សារកណ្ដាលទី១ ខណ្ឌដូនពេញ រាជធានីភ្នំពេញ ។
បន្ទាប់ពីមានការចុះផ្សាយ ភ្លាមៗ ជាក់ស្ដែងនៅរសៀលថ្ងៃទី ២១ ខែមីនា ឆ្នាំ២០២៤ កម្លាំងសមត្ថកិច្ចមូលដ្ឋាននៃ បានចុះទៅដល់ទីតាំងខាងលើ គឺមិនមានល្បែងស៊ីសងនៅខាងក្នុងឡើយ ក្នុងនោះសមត្ថកិច្ចលើទ្បើងថា កម្លាំងរបស់យើងនៅតែបន្តពិនិត្យ ប្រសិនបើមានប្រព្រឹត្ត ល្បែងស៊ីសងពិតប្រាកដមែន កម្លាំងរបស់យើងនឹងធ្វើការ បង្ក្រាបអោយខានតែបាន។
ជាចុងក្រោយប្រជាពលរដ្ឋមានការឆ្ងល់ ហេតុអ្វីទីតាំងខាងលើថតបានសកម្មភាពការភ្នាល់ល្បែងស៊ីសងនៅខាងក្នុងហើយ ដល់ពេលសមត្ថកិច្ចចុះទៅដល់ទីតាំងមិនមានការលេងល្បែងស៊ីសង ឬមួយមានអ្វីនៅខាងក្រោយខ្នង.? មេសា
