ខេត្តកណ្តាល៖ កម្លាំងសមត្ថកិច្ចស្រុកកៀនស្វាយបានឃាត់ខ្លួនជនសង្ស័យចំនួន៧នាក់ក្នុងចំណោមបក្ខពួក១១នាក់ បន្ទាប់ពីក្រុមក្មេងទំនើងទាំង១១នាក់នេះ បានជិះម៉ូតូ៥គ្រឿង ទៅផ្លូវក្រវ៉ាត់ក្រុងរួចចូលតាមផ្លូវភូមិពពាលខែ ក៏ឃើញជនរងគ្រោះជិះម៉ូតូមកដល់ទល់មុខ ស្រាប់តែក្រុមជនសង្ស័យបានឈប់ម៉ូតូ ធ្វើសកម្មភាព ដេញកាប់ជនរងគ្រោះ ត្រូវ០១កាំបិតផ្គាក់ បណ្តាលឲ្យរបួសចេញឈាមដេរ១១ថ្នេរ ចំណែកបក្ខពួកក្រុមជនសង្ស័យ បាននាំគ្នាកាប់ម៉ូតូជនរងគ្រោះបណ្តាលឲ្យរងការខូចខាតជាច្រើនកន្លែង រីឯ បក្ខពួកជនសង្ស័យផ្សេងទៀតបានបើកម៉ូតូក្រវែលជុំវិញកន្លែងកើតហេតុ ក្រោយពីធ្វើសម្មភាពរួចជនសង្ស័យទាំង១១នាក់ បាននាំគ្នាឡើងជិះម៉ូតូគេចខ្លួនបាត់តែម្តង ។ ហេតុការណ៍នេះបានកើតឡើងកាលពីទី១៧ ខែវិច្ឆិកា ឆ្នាំ២០២៤ វេលាម៉ោង ០២ និង៤២នាទីទៀបភ្លឺ ស្ថិតនៅលើផ្លូវបេតុង ក្នុងភូមិពពាលខែ២ ឃុំដីឥដ្ឋ ស្រុកកៀនស្វាយ ខេត្តកណ្ដាល ។

បើយោងតាមរបាយការណ៍របស់សមត្ថកិច្ចបានឳ្យដឹថាមុនពេលកើតហេតុជនសង្ស័យចំនួន១១នាក់ជិះម៉ូតូចំនួន០៥គ្រឿង ដោយម៉ូតូ០៤គ្រឿងជិះគ្នា២ៗនាក់ ចំនែកម៉ូតូ០១គ្រឿងទៀតជិះគ្នា០៣នាក់ ដោយជិះចេញពីហាងកាហ្វេនៅទួលត្នោត នាំគ្នាជិះមកលើផ្លូវជាតិលេខ១ឈប់នៅមុខក្លោងទ្វាវត្តដូនសរ ដើម្បីពិភាក្សាគ្នារកកន្លែងដេក ស្រាប់តែជនរងគ្រោះបាននាំគ្នាជិះម៉ូតូកាត់មុខជនសង្ស័យ ដោយភាគីទាំងសងខាងធ្លាប់មានជម្លោះនឹងគ្នាពីមុនមក ស្រាប់តែជនសង្ស័យឃើញ ក៏បាននាំគ្នាជិះទៅផ្ទះបក្ខពួកម្នាក់ ឈ្មោះ ផាត សម្ភព ដើម្បីទៅយកវត្ថុតាងធ្វើសកម្មភាព ដោយជនសង្ស័យឈ្មោះ ផល ចិត្រា មកយកកាំបិតផ្គាក់, ឈ្មោះហ៊ន ម៉េងលី កាន់កាំបិតបុ័ងតោ, ឈ្មោះឌឹម មករា កាន់កាំបិតបុ័ងតោ, ឈ្មោះមៀ ដេវីត ភេទប្រុស កាន់ដុំឥដ្ឋតាន់ រួចនាំគ្នាឡើងជិះម៉ូតូតាមរកជនរងគ្រោះ លុះក្រុមជនសង្ស័យ១១នាក់ជិះទៅដល់ផ្លូវក្រវ៉ាត់ក្រុងរួចចូលតាមផ្លូវភូមិពពាលខែ ក៏ឃើញជនរងគ្រោះជិះម៉ូតូមកដល់ទល់មុខ ស្រាប់តែក្រុមជនសង្ស័យបានឈប់ម៉ូតូ រួចនាំគ្នាធ្វើសកម្មភាព ដោយឈ្មោះ ចិត្រា ដេញកាប់ជនរងគ្រោះ ត្រូវ០១កាំបិតផ្គាក់ បណ្តាលឲ្យរបួសចេញឈាមដេរ១១ថ្នេរ ចំនែកឈ្មោះឌឹម មករា ឈ្មោះហ៊ន ម៉េងលី និងឈ្មោះមៀ ដេវីត បាននាំគ្នាកាប់ម៉ូតូជនរងគ្រោះបណ្តាលឲ្យខូចខាតច្រើនកន្លែង ចំណែកបក្ខពួកជនសង្ស័យផ្សេងទៀតបើកម៉ូតូក្រវែលជុំវិញកន្លែងកើតហេតុ ក្រោយពីធ្វើសម្មភាពរួចជនសង្ស័យទាំង១១នាក់ បាននាំគ្នាឡើងជិះម៉ូតូគេចខ្លួនបាត់តែម្តង ។

របាយការណ៍ដដែលបានឳ្យដឹងទៀតថា ក្រោយពីកើតហេតុជនរងគ្រោះបានទូរស័ព្ទប្រាប់ឪពុកម្តាយ ភ្លាមៗនោះបានបញ្ចូនទៅមន្ទីពេទ្យបង្អែកស្រុកកៀនស្វាយដើម្បីព្យាបាលរបួស ។ លុះដល់ម៉ោង០៣ និង១៧នាទី ថ្ងៃខែឆ្នាំដដែលជនរងគ្រោះបានផ្តល់ពត៌មានឲ្យប៉ុស្តិ៍នគរបាលដីឥដ្ឋ ពេលទទួលបានព័ត៌មានកម្លាំងប៉ុស្តិ៍នគរបាលដីឥដ្ឋបានចុះទៅដល់កន្លែងកើតហេតុដើម្បីសាកសួរព័ត៌មាន បើកការស្រាវជ្រាវរកក្រុមជនសង្ស័យ ។

ភ្លាមៗសមត្ថកិច្ចបានបើកការស្រាវជ្រាវ នៅថ្ងៃទី២០ ខែវិច្ឆិកា ឆ្នាំ២០២៤ ម៉ោង០៦ល្ងាច ឈានទៅឃាត់ខ្លួនជនដៃដល់បានចំនួន០៣នាក់ យកមកសាកសួរ នៅចំពោះមុខសមត្ថកិច្ចជនសង្ស័យបានសារភាពថាពួកខ្លួនបានប្រព្រឹត្តអំពើហិង្សានឹងកាប់បំផ្លាញទ្រព្រសម្បត្តិជនរងគ្រោះពិនប្រាកដមែន ។

បន្ទាប់ពីសាកសួរជនដៃដល់រួចកម្លាំងជំនាញបានបន្តនីតិវិធីបន្ថែមទៀតរហូតដល់ថ្ងៃទី២១ ខែវិច្ឆិកា ឆ្នាំ២០២៤ ម៉ោង០៦ និង៣០នាទី ឈានទៅបង្ក្រាបឃាត់ខ្លួនបានជនសង្ស័យជាបក្ខពួកបាន០៤នាក់ទៀត យកមកសាកសួរ នៅចំពោះមុខសមត្ថកិច្ចជនសង្ស័យទាំង០៧នាក់បានសារភាពថា មូលហេតុផ្តើមចេញពីខឹងនឹងជនរងគ្រោះគប់សំបកខារ៉ាប៉ាវទៅលើពួកខ្លួន ។ជនសង្ស័ដែលសមត្ថកិច្ចឃាត់ខ្លួនបានមានឈ្មោះ ១ ផល ចិត្រា ភេទប្រុស អាយុ១៩ឆ្នាំ ជនជាតិខ្មែរ មុខរបរនៅផ្ទះ មានទីលំនៅភូមិទួលត្នោត ឃុំគគីរ ស្រុកកៀនស្វាយ ខេត្តកណ្តាល (ឃាត់ខ្លួន) អ្នកកាន់កាំបិតផ្គាក់ជាជនដៃដល់ ។

២ ឈ្មោះហ៊ន ម៉េងលី ភេទប្រុស អាយុ១៥ឆ្នាំ ជនជាតិខ្មែរ មុខរបរសិស្ស មានទីលំនៅឃុំភូមិធំ ស្រុកកៀនស្វាយ ខេត្តកណ្តាល (ឃាត់ខ្លួន) អ្នកកាន់កាំបិតតាំងតោ ជាជនដៃដល់ ។៣/ ឈ្មោះឌឹម មករា ភេទប្រុស អាយុ១៥ឆ្នាំ ជនជាតិខ្មែរ មុខរបរសិស្ស មានទីលំនៅភូមិទួលក្របៅ ឃុំគគីរ ស្រុកកៀនស្វាយ ខេត្តកណ្តាល (ឃាត់ខ្លួន) អ្នកាន់កាំបិតតាំងតោ ជាជនដៃដល់ ។៤/ ឈ្មោះជៀម សាភីត (ឌីន) ភេទប្រុស អាយុ១៦ឆ្នាំ ជនជាតិខ្មែរ មុខរបរកូនកាំបិតចុងភៅ មានទីលំនៅភូមិកោះប្រាក់ ឃុំភូមិធំ ស្រុកកៀនស្វាយ ខេត្តកណ្តាល (ឃាត់ខ្លួន) អ្នកបើកម៉ូតូ ចូលរួម ។៥/ ឈ្មោះមៀ ដេវីត ភេទប្រុស អាយុ១៧ឆ្នាំ ជនជាតិខ្មែរ មុខរបរសិស្ស មានទីលំនៅភូមិទួលក្របៅ ឃុំគគីរ ស្រុកកៀនស្វាយ ខេត្តកណ្តាល (ឃាត់ខ្លួន) អ្នកអង្គុយពីក្រោយម៉ូតូ កាន់ដុំឥដ្ឋតាន់ ជាជនដៃដល់ ។៦/ ឈ្មោះម៉េត រ៉ាវីត ភេទប្រុស អាយុ១៤ឆ្នាំ៩ខែ មុខរបរសិស្ស មានទីលំនៅភូមិជ្រោយតាប៉ា ឃុំគគីរ ស្រុកកៀនស្វាយ ខេត្តកណ្តាល (អប់រំ) អ្នកអង្គុយពីក្រោយ ចូលរួម ។

៧/ឈ្មោះមិ វិចិត្រវិច្ឆិកា ភេទប្រុស អាយុ២២ឆ្នាំ ជនជាតិខ្មែរ មុខរបរអ្នករត់តុ មានទីលំនៅភូមិចន្លក់ ឃុំគគីរ ស្រុកកៀនស្វាយ ខេត្តកណ្តាល (ឃាត់ខ្លួន) អ្នកបើកម៉ូតូ ចូលរួម លទ្ធផលតេស្តរកសារធាតុញៀន(+)វិជ្ជមាន ។

ចំពោះក្រុមជនសង្ស័យជាបក្ខពួកដែលបានគេចខ្លួន

៨/ ឈ្មោះម៉ែត រ៉ាម៉ីត ភេទប្រុស អាយុ២២ឆ្នាំ ជនជាតិខ្មែរ មុខរបរលក់ដូរ មានទីលំនៅភូមិជ្រោយតាប៉ា ឃុំគគីរ ស្រុកកៀនស្វាយ ខេត្តកណ្តាល (គេចខ្លួន) អ្នកជិះពីក្រោយ ចូលរួម ។

៩/ ឈ្មោះ ផាត សម្ភព ភេទប្រុស អាយុ២១ឆ្នាំ ជនជាតិខ្មែរ មុខរបរលក់ដូរ មានទីលំនៅភូមិជ្រោយតាប៉ា ឃុំគគីរ ស្រុកកៀនស្វាយ ខេត្តកណ្តាល (គេចខ្លួន) អ្នកបើកម៉ូតូ ចូលរួម ។

១០/ ឈ្មោះផាត យូឡាយ ភេទប្រុស អាយុ១៤ឆ្នាំ មានទីលំនៅភូមិជ្រោយតាប៉ា ឃុំគគីរ ស្រុកកៀនស្វាយ ខេត្តកណ្តាល (គេចខ្លួន) អ្នកបើកម៉ូតូ ចូលរួម ។

១១/ឈ្មោះវុធ ដេវីត ភេទប្រុស អាយុ១៩ឆ្នាំ ជនជាតិខ្មែរ មុខរបរនៅផ្ទះ មានទីលំនៅភូមិកោះប្រាក់ ឃុំគគីរ ស្រុកកៀនស្វាយ ខេត្តកណ្តាល (គេចខ្លួន) អ្នកបើកម៉ូតូ ចូលរួម ។

វត្ថុតាងចាប់យករួមមាន៖ ១/ កាំបិតបុ័ងតោ ផ្លែដែកដងឈើ ប្រវែង៣០cm ចំនួន០១ (ជារបស់ឈ្មោះឌឹម មករា ភេទប្រុស) ។២/ កាំបិតបុ័ងតោ ផ្លែដែកដងឈើ ប្រវែង២៨cm ចំនួន០១ (ជារបស់ឈ្មោះហ៊ន ម៉េងលី ភេទប្រុស) ។

៣/ កាំបិតផ្គាក់ ផ្លែដែកដងឈើ ប្រវែង០,៨៦m ចំនួន០១ (ជារបស់ឈ្មោះផល ចិត្រា ភេទប្រុស) ។

៤/ ដុំឥដ្ឋតាន់ ទម្ងន់៥០g ចំនួន០១ (ជារបស់ឈ្មោះមៀ ដេវិត ភេទប្រុស) ។

៥/ ម៉ូតូ០១គ្រឿងម៉ាកHONDA C125 ពណ៌ខ្មៅ ផលិតឆ្នាំ២០២៥ ពាក់ផ្លាកលេខ ភ្នំពេញ 1LA- 3397 (ជារបស់ឈ្មោះឌឹម មករា ភេទប្រុស) ។

៦/ ម៉ូតូ០១គ្រឿងម៉ាកHONDA C125 ពណ៌ខ្មៅ ផលិតឆ្នាំ២០១៨ ពាក់ផ្លាកលេខ កណ្តាល 1AB-3156 (ជារបស់ឈ្មោះមិ វិចិត្រវិច្ឆិកា ភេទប្រុស) ។

៧/ ម៉ូតូ០១គ្រឿងម៉ាកSUZUKI NEX ពណ៌ក្រហមស ផលិតឆ្នាំ២០២៤ ពាក់ផ្លាកលេខ កណ្តាល 1AS-4596 (ជារបស់ឈ្មោះហន ម៉េងលី ភេទប្រុស) ។

សម្ភារ:ខូចខាតរួមមាន៖១/ ម៉ូតូចំនួន០១គ្រឿងម៉ាកHONDA C125 ពណ៌ខ្មៅ ផលិតឆ្នាំ២០២២ ពាក់ផ្លាកលេខ កណ្តាល 1AQ-7062 (ជារបស់ជនរងគ្រោះ) ។

ក្រោយពីសមត្ថកិច្ចឃាត់ខ្លួនក្រុមជនសង្ស័យបាន៧នាក់សួរនាំ និងបន្តនីតិវិធីស្រាវជ្រាវរក ជនសង្ស័យចំនួន០៤នាក់ទៀតដែលកំពុងរត់គេចខ្លួន ដើម្បីយកមកផ្តន្ទាទោសទៅតាមផ្លូវច្បាប់ ៕ដោយ៖លីណា