ខេត្តបាត់ដំបង ៖ រថយន្តឡិចស៊ីស មួយគ្រឿង បានក្រឡាប់ផ្ងារជើងជាច្រើនជុំ ខ្ទេចយ៉ាងដំណំ សំណាងអ្នកអ្នកជិះនៅក្នុងរថយន្តមិនអី គ្រាន់តែរបួសស្រាល ។

ហេតុការណ៍នេះបានកើតឡើងកាកពីវេលាម៉ោង ១និង ៥០នាទី រសៀលថ្ងៃទី២១ ខែមីនា ឆ្នាំ២០២៤ នៅចំណុចផ្លូវជាតិលេខ ៥ ក្រុម៩ ភូមិប៉ោងសំរោង ឃុំតាពូង ស្រុកថ្មគោល ខេត្តបាត់ដំបង ។

តាមរបាយការណ៍របស់ Hotline 117 ប្រចាំបញ្ជារបស់អគ្គស្នងការដ្ឋាននគរបាលជាតិ បានឲ្យដឹងថា ហេតុការណ៍នេះកើតឡើង ខណៈរថយន្តឡិចស៊ីស RX330 ស៊េរីឆ្នាំ២០០៥ ពណ៌ស ពាក់ស្លាកលេខ បាត់ដំបង 2C-6918 បើកបរដោយឈ្មោះ លូត សាលី ភេទប្រុស អាយុ៥៧ឆ្នាំ និងអ្នករួមដំណើរឈ្មោះ ធី ភេទស្រី អាយុ ៥៥ឆ្នាំ ទាំង២នាក់រស់នៅភូមិស្ទឹងដាច់ ឃុំបរវេល ស្រុកបរវេល ខេត្តបាត់ដំបង ខណៈរថយន្តនេះ បើកបរក្នុងទិសដៅពីជើងទៅត្បូង លុះដល់ចំណុចកើតហេតុ អ្នកបើកបរងក់ងងុយដេក ក៏ជ្រុលចង្កូតធ្លាក់ទៅប្រឡាយតែម្តង ៕