ខេត្តកំពង់ស្ពឺ ៖ រថយន្តម៉ាកបាឡែន ពណ៌សំបកឪឡឹក ពាក់ស្លាកលេខកំពង់ស្ពឺ 2A-7836 មួយគ្រឿង បើកបរពីទិសកើតទៅលិច បានរេចង្កូតធ្លាក់ចូលប្រឡាយ លិចបាត់សល់តែដំបូលលឹមៗ បង្កការភ្ញាក់ផ្អើល នៅវេលាម៉ោង ៩ និង១៥នាទីយប់ ថ្ងៃទី១១ ខែឧសភា ឆ្នាំ២០២១ ត្រង់ចំណុចប្រឡាយទឹកភូមិវល្លិ៍ប្រេង ឃុំកាហែង ស្រុកសំរោងទង ខេត្តកំពង់ស្ពឺ ។

មន្រ្តីនគរបាលស្រុកសំរោងទង បានឲ្យដឹងថា ៖ អ្នកបើកបរឈ្មោះ ជី សុខហ័រ ភេទប្រុស អាយុ២១ឆ្នាំ រស់នៅភូមិក្រាំងស្ពឺ ឃុំតាំងក្រូច ស្រុកសំរោងទង ខេត្តកំពង់ស្ពឺ រងរបួសស្រាល ចំពោះរថយន្តខូចខាតកម្រិតស្រាល ។

បច្ចុប្បន្នរថយន្ត ត្រូវបានរក្សាទុកនៅប៉ុស្តិ៍នគរបាលរដ្ឋបាលកាហែង ៕ ប្រភព៖ អគ្គស្នងការដ្ឋាននគរបាលជាតិ