ខេត្តបាត់ដំបង៖ យោងតាមផេក ស្នងការដ្ឋាននគរបាលខេត្តបាត់ដំបង បានបញ្ជាក់ថា មុខសញ្ញាលួចគោរបស់ប្រជាពលរដ្ឋ យ៉ាងសកម្ម២នាក់ ត្រូវសមត្ថកិច្ចក្របួចបាន កាលពីយប់ថ្ងៃទី ១៤ ខែឧសភាឆ្នាំ ២០២១ វេលា ម៉ោង០០និង១៥នាទី ឈានចូលថ្ងៃទី ១៥ ខែ ឧស ភា ឆ្នាំ ២០២១ ក្នុងភូមិបឹងអារក្ស ឃុំអំពិលប្រាំ ដើម ស្រុកបវេល ខេត្តបាត់ដំបង។
ស្នងការដ្ឋាននគរបាលខេត្តបាត់ដំបងបញ្ជាក់ថា ជនសង្ស័យទី១-ឈ្មោះមឿន ថា ភេទប្រុស អាយុ ៥៨ ឆ្នាំរស់នៅភូមិកូប ឃុំអំពិលប្រាំដើម ស្រុកបវេល ខេត្តបាត់ដំបង និងជនសង្ស័យទី២ឈ្មោះ ចុង រ៉ា ភេទប្រុស អាយុ ៣៥ ឆ្នាំរស់ នៅភូមិសៀម ឃុំអំពិលប្រាំដើម ស្រុកបវេល ខេត្តបាត់ដំបង ។ ដកហូតបាន គោចំនួន០៤ក្បាលនិ ងថយន្តដឹកគោចំនួន ០១ គ្រឿង។
ស្នងការដ្ឋាននគរបាលខេត្តបាត់ដំបង បន្តបញ្ជាក់ទៀតថា ក្រុមជនសង័្សយមួយក្រុមបានធ្វើសកម្មភាព(លួចគោ)ចំនួន០២ក្បាល របស់ជនរងគ្រោះឈ្មោះ ផាន់ សុខុម ភេទប្រុស អាយុ ៤៨ ឆ្នាំ រស់ នៅក្នុងភូមិកើតហេតុខាងលើ ។ ក្នុងពេលធ្វើសកម្មភាពភា្លមៗ ជន រងគ្រោះបាន ដឹងក៏ប្រញាប់ផ្តល់ព័ត៌មានជាបន្ទាន់មកដល់សមត្ថកិច្ចនគរបាល ។ ភ្លាមៗលោកអធិការ បានចាត់ចែងដឹកនាំស្រាវជ្រាវ និងស្វែងរករហូតឃាត់ខ្លួនបានក្នុងបទល្មើសជាក់ ស្តែងតែម្តង។
លោកអធិការបានបញ្ជាក់ថា តាមចម្លើយសារភា ព របស់ជនសង័្សយខាងលើ បានបង្ហាញថា បក្ខពួ ក គេធ្លាប់លួចគោនៅក្នុងមូលដ្ឋានស្រុកបវេលនេះចំនួន០២លើក រួចមកហើយដែលលើកទី០១ លួចបានគោចំនួន០២ក្បាល យកទៅលក់នៅ ខេត្តបន្ទាយមានជ័យ ពីថ្ងៃទី៥ ខែ ឧសភា ឆ្នាំ ២០ ២១ ហើយតាមរយៈការសារភាពនេះ លោកអធិ ការ បានទំនាក់ទំនងទៅសមត្ថកិច្ចនគរបាលខេត្តបន្ទាយ មានជ័យរកឃើញគោចំនួន០២ក្បាលនោះ នាំត្រឡប់មកវិញ ដែលសរុបមានចំនួន ០៤ក្បាល។
បច្ចុប្បន្នសមត្ថកិច្ចនគរបាលបា នរៀបចំសំ ណុំរឿងបញ្ជូនជនសង័្សយនិងវត្ថុតាងពាក់ព័ន្ធមកការិ យាល័យជំនាញដើម្បីផ្តន្ទាទោសតាមផ្លូវច្បាប់រីឯ សត្វគោបានប្រគល់ជូនម្ចាស់វិញ៕
