ភ្នំពេញ ៖ រថយន្តកាមរីហាយព្រីតមួយគ្រឿងត្រូវបានរងការខូចខាតនិងម៉ូតូចំនួន២គ្រឿងទៀត ក៏ រងការខូចខាតបន្ទាប់ពីត្រូវរថយន្តកូរ៉េដឹកកំទេចថ្មមួយគ្រឿងបោះពួយល្បឿនលឿនជាន់ហ្វ្រាំងមិនទាន់ជ្រុលបុករះយ៉ាងពេញទំហឹង នៅចំណុចផ្លូវបែកជាបួន លេីផ្លូវលេខ៥១ កែងផ្លូវលេខ១៣០ ស្ថិតក្នុងសង្កាត់ផ្សាថ្មីទី៣ ខណ្ឌដូនពេញ ។

តាមប្រភពព័ត៌មានបានឲ្យដឹងថា នៅមុនពេលកើតហេតុគេបានឃើញរថយន្តកូរ៉េដឹកកំទេចថ្មមួយគ្រឿង ពណ៌ខៀវ ពាក់ស្លាកលេខភ្នំពេញ 2S-0697 បេីកដោយបុរសម្នាក់និងរួមដំណេីរដោយព្រូម្នាក់ បានបើកនៅលើបណ្ដោយផ្លូវលេខ ៥១ ក្នុងទិសដៅពីជើងមកត្បូង ហើយបើកបរក្នុងល្បឿនលឿន លុះមកដល់ចំណុចកេីតហេតុដែរជាចំណុចផ្លូវបែកជាបួន ក៏មានរថយន្តកាមរីហាយប្រ៊ីតមួយគ្រឿង ពណ៌ស ពាក់ស្លាកលេខភ្នំពេញ 2P-6555 បេីកដោយបុរសម្នាក់ ក្នុងទិសដៅពីកើតទៅលិចនៅលើផ្លូវលេខ ១៣០ រួចក៏បានបត់ឆ្វេងមកផ្លូវ៥១ ខណៈនោះរថយន្តកូរ៉េដោយសារតែល្បឿនលឿន ក៏វ៉ាក់ជាន់ហ្វ្រាំងមិនទាន់ជ្រុលមកបុកចំ ចំហៀងខាងស្ដាំនៃរថយន្តបណ្ដាលអោយរថយន្តកាមហាយប្រ៊ីត រងការខូចខាតផ្នែកខាងមុខ រីឯរថយន្តកូរ៉េនៅសល់ល្បឿនក៏បន្តឡេីងទៅឃឿនដល់សំយ៉ាបហាងពេជ្រមួយកន្លែង មកបុកជាមួយនិងម៉ូតូ២គ្រឿង ទៀត ក្នុងមានឌ្រីមសេ១២៥ ពណ៌ខ្មៅ ពាក់ស្លាកលេខ 1GJ-1119 និងម៉ូតូម៉ាក វ៉េវអុី ពាក់ស្លាកលេខ ភ្នំពេញ 1J- 3326 ដែលចតទុកនៅលេីនោះ បណ្ដាលឱ្យរងការខូចខាតគាបជាប់គ្នាខ្ទេចវ៉ល់ ។

ក្រោយកេីតហេតុភាគីខាងរថយ ន្តកូរ៉េ បានហៅតំណាងមកធ្វេីការដោះស្រាយជាមួយម្ចាស់រថយន្តនិងម្ចាស់ម៉ូតូទាំង២គ្រឿង ដេីម្បីបញ្ចប់រឿងនៅនិងកន្លែងតែម្តង ។