កណ្ដាល មានករណីគ្រោះថ្នាក់ចរាចរណ៍ដោយរថយន្តបាញ់ស៊ីម៉ង់សង្ស័យដាច់ប្រាំង ក៏បណ្ដាលឱ្យទៅបុករះរថយន្តចំនួន២គ្រឿង និងម៉ូតូកង់បីឥណ្ឌាចំនួន១គ្រឿង ទៀតបណ្ដាលឱ្យរងការខូចខាតដែលទីតាំងកើតហេតុនៅតាមបណ្ដោយនឹងផ្លូវលេខ ២១B ស្ថិតនៅតាក្នុងសង្កាត់តាខ្មៅក្រុងតាខ្មៅ ខេត្តកណ្ដាល កាលពីវេលាម៉ោង ៥ និង ៤០ ល្ងាចថ្ងៃទី១៧ ខែឧសភា ឆ្នាំ២០១២ ។

បើយោងតាមប្រភពព័ត៌មានពីបងប្អូនប្រជាពលរដ្ឋបានបញ្ជាក់ប្រាប់ក្រុមការងារ TVFB បើដឹងថាមុនពេលកើតហេតុរថយន្តបាញ់ស៊ីម៉ង់ខាងលើបើកបរដោយបុរសម្នាក់ពីទិសដៅពីត្បូងមកជើង លុះមកដល់ចំណុចកើតហេតុសង្ស័យតែរថយន្តដាច់ប្រាំង ក៏បណ្ដាលឲ្យទៅបុកពីក្រោយនៃរថយន្តដឹកត្រីរួចក៏តៃកុងរថយន្តបានព្យាយាម បួងចង្កូតគេចមកខាងឆ្វេងដៃក៏បណ្ដាលឲ្យទៅប៉ះនឹងម៉ូតូកង់បីឥណ្ឌាមួយគ្រឿង ហើយក៏មិនទាន់អស់ល្បឿនក៏ទៅបុកពីក្រោយនៃរថយន្តម៉ាក់ព្រូស បណ្ដាលឱ្យរងការខូចខាតយ៉ាងដំណំ តែសំណាងល្អមិនបណ្ដាលឱ្យប៉ះពាល់ដល់អាយុជីវិតបងប្អូនប្រជាពលរដ្ឋរួមនឹង តៃតុងរថយន្តទ្បើយ ។

ក្រោយពីកើតហេតុ កម្លាំងសមត្ថកិច្ចមូលដ្ឋានចរាចរណ៍នៃក្រុងតាខ្មៅ បានចុះទៅដល់ទីតាំងកន្លែងកើតហេតុនិងបានគូសវាសយករថយន្ត ទាំង២គ្រឿង ដាក់ឲ្យអែបកៀនដើម្បីឲ្យភាគីទាំងពីរចរចាគ្នាដើម្បីបញ្ចប់រឿងនៅនឹងទីតាំងកន្លែងកើតហេតុ ចំណែកឯរថយន្តដឹកត្រីនិងម៉ូតូកង់បីឥណ្ឌាដែលរងការខូចខាតបន្តិចបន្តួចគាត់ ខ្ចិលវែងឆ្ងាយក៏បើកចេញពីកន្លែងកើតហេតុបាត់ ៕