ខេត្តព្រះសីហនុ ៖ ផ្ទះប្រជាពលរដ្ឋ២ខ្នង ត្រូវបានអគ្គិភ័យឆាបឆេះយ៉ាងសន្ធោសន្ធៅ បង្កការភ្ញាក់ផ្អើលយ៉ាងខ្លាំងដល់អ្នកភូមិរស់នៅជាមួយគ្នា នាំគ្នាជួយពន្លត់ និងរាយការណ៍ជូនសមត្ថកិច្ចដើម្បីហៅរថយន្តពន្លត់អគ្គិភ័យចុះមកអន្តរាគមន៍បាញ់ពន្លត់ ។

ហេតុការណ៍នេះបានកើតឡើងនៅវេលាម៉ោង១៤:៥០ នាទី ថ្ងៃទី០២ ខែមេសា ឆ្នាំ២០២៥ ចំណុច ក្រុម១៥ ភូមិ ១ សង្កាត់លេខ៤ ក្រុង/ខេត្តព្រះសីហនុ ។ នេះបើយោងតាមកំណត់ហេតុ HOTLINE117 ប្រចាំបញ្ជារបស់អគ្គស្នងការដ្ឋាននគរបាលជាតិ។

ក្រោយទទួលព័ត៌មានពីមជ្ឈមណ្ឌលប្រចាំបញ្ជា កម្លាំងជំនាញការិយាល័យនគរបាលបង្ការ ពន្លត់អគ្គិ ភ័យ និងសង្គ្រោះ ចុះអន្តរាគមន៍បាញ់ទឹកពន្លត់ដោយប្រើប្រាស់រថយន្តពន្លត់អគ្គិភ័យ ចំនួន ០៣ គ្រឿង ប្រើប្រាស់ទឹកអស់ចំនួន ០២ឡាន ស្មើរ ១៦ ម៉ែត្រគូប ។ ករណីនេះបណ្តាលឲ្យឆេះខូចខាត ផ្ទះទី១៖ ម្ចាស់ផ្ទះរង គ្រោះឈ្មោះ អ៊ួង ស្រីនី ភេទស្រី អាយុ៤៦ឆ្នាំ ជនជាតិ ខ្មែរ មុខរបរ លក់កាហ្វេ ផ្ទះសង់អំពីឈើជាន់ផ្ទាល់ ដីមានទំហំ ទំហំ៤ម៉ែត្រ×៦ម៉ែត្រ ព្រមទាំងសម្ភារៈប្រើប្រាស់ក្នុងផ្ទះអស់ទាំងស្រុង ។ ផ្ទះទី២៖ ម្ចាស់ ឈ្មោះ ត្រង ចំរើន ភេទ ប្រុស អាយុ៣៤ឆ្នាំ ជនជាតិ ខ្មែរ មុនរបរ រត់កង់បី ទំហំ៨ម៉ែត្រ×១២ម៉ែត្រព្រម ទាំងសម្ភាប្រើប្រាស់ក្នុងផ្ទះអស់ទាំងស្រុង ។

ចំណែកមូលហេតុសមត្ថកិច្ចកំពុងស្រាវជ្រាវ តែទោះបីជាយ៉ាងណាករណីអគ្គិភ័យខាងលើ មិនបណ្តាលអោយមានមនុស្សស្លាប់ រឺរងរបួសឡើយ ៕ នុច