ចុម! ប្រើជើងធាក់បំបាក់កម៉ូតូដើម្បីលួ./...ច ជាប់ខ្នោះរបស់នគរបាលខណ្ឌទួលគោក
សន្តិសុខសង្គម
81

រាជធានីភ្នំពេញ ៖ ជនសង្ស័យម្នាក់ត្រូវបាននគរបាលខណ្ឌទួលគោកធ្វើការឃាត់ខ្លួន ពីបទលួចមានស្ថានទម្ងន់ទោស ប្រើជើងធាក់បំបាក់កម៉ូតូដើម្បីលួច កើតហេតុនៅក្នុងមូលដ្ឋានសង្កាត់ផ្សារដេប៉ូទី៣ ខណ្ឌទួលគោក រាជធានីភ្នំពេញ ។ នេះបើយោងតាមផេកផ្លូវការរបស់ អធិការដ្ឋាននគរបាលខណ្ឌទួលគោក ។

សូមបញ្ជាក់ថា នៅនៅថ្ងៃទី០៣ ខែមេសា ឆ្នាំ២០២៥ វេលាម៉ោងប្រហែល២២និង៥០នាទីយប់ កម្លាំងប៉ុស្តិ៍នគរបាលរដ្ឋបាលផ្សារដេប៉ូទី៣ បានធ្វើការឃាត់ខ្លួនជនសង្ស័យម្នាក់ពីបទលួច មានស្ថានទម្ងន់ទោស(ប្រើជើងធាក់បំបាក់កម៉ូតូដើម្បីលួច)ឃាត់ខ្លួននៅចំណុចមុខផ្ទះលេខ៤៤៧E0 សង្កាត់ផ្សារដេប៉ូទី៣ ខណ្ឌទួលគោក ។

ជនសង្ស័យឈ្មោះ ពៅ បញ្ញា ភេទប្រុស អាយុ ៣០ឆ្នាំ ជនជាតិខ្មែរ មុខរបរ មិនពិតប្រាកដ ស្នាក់នៅមិនពិតប្រាកដ ។

ក្នុងនោះ វត្ថុតាងចាប់យករួមមាន៖ ម៉ូតូមួយគ្រឿងម៉ាក HONDA CLICK C125 ពណ៏ស ពាក់ស្លាកលេខបាត់ដំបង1AK.8807 ដែលមានលេខតួ និងម៉ាសុីន 8052500(ជារបស់ជនរងគ្រោះឈ្មោះ ឡាំ គឹមហេង ភេទប្រុស អាយុ២៩ឆ្នាំ ជនជាតិខ្មែរ មុខរបរ បើបររថយន្ត ស្នាក់នៅផ្ទះលេខ៤៤៧E1 ផ្លូវលេខ១២៨ ភូមិ៨ សង្កាត់ផ្សារដេប៉ូទី៣ ខណ្ឌទួលគោក រាជធានីភ្នំពេញ ដែលជនសង្ស័យរូបនោះលួចយក)។

បច្ចុប្បន្ន ជនសង្ស័យខាងលើកំពុងឃាត់ខ្លួនជាបណ្ដោះអាសន្ននៅ អធិការដ្ឋាននគរបាលខណ្ឌទួលគោក ដើម្បីធ្វើការសាកសួរ និងចាត់ការបន្តតាមនីតិវិធី ៕


Telegram