ខេត្តក្រចេះ ៖ សូមបង្កើនការប្រុងប្រយ័ត្ន ជាមួយនឹងបាតុភូមិផ្គរ រន្ទះ ខណៈកាលពីរសៀលថ្ងៃទី១៧ ខែឧសភា ឆ្នាំ២០២១ មានផ្ទះប្រជាពលរដ្ឋ២ខ្នង នៅ ឯខេត្តកំពង់ឆ្នាំង ត្រូវបានរន្ទះបាញ់ចំប៉ារ៉ែតភ្លើងអគ្គិសនី ឆេះផ្ទះខ្ទេចគ្មានសល់ ។

ជាក់ស្តែង នៅព្រលប់ថ្ងៃទី១៧ ខែឧសភា ឆ្នាំ២០២១ ដដែលនោះ បាតុភូតរន្ទះបាញ់ បានប្រហារផ្ទះមួយខ្នងទៀត របស់ប្រជាពលរដ្ឋ ដែលមានទីតាំងនៅភូមិថ្មហាលវាល ឃុំ២ធ្នូ ស្រុកស្នួល ខេត្តក្រចេះ បណ្តាលឲ្យឆេះអស់ទាំងស្រុងគ្មានសល់ ខណៈដែលម្ចាស់មិននៅផ្ទះ ។

ស្នងការដ្ឋាននគរបាលខេត្តក្រចេះបានបញ្ជាក់ថា ផ្ទះដែលឆេះនេះ ជាប្រភេទផ្ទះឈើ ទំហំ ៨x១៦ម៉ែត្រ ធ្វើអំពីឈើ ប្រក់ស្លឹក រួមទាំងសម្ភារៈប្រើប្រាស់ព្រមទាំងលុយកាក់ ត្រូវបានភ្លើងឆាបឆេះអស់ទាំងស្រុង គ្មានសល់អ្វីនោះឡើយ ៕