ខេត្តបាត់ដំបង ៖ យោងតាមផេក ស្នងការដ្ឋាននគរបាលខេត្តបាត់ដំបង បានបញ្ជាក់ថា កាលពីរសៀលថ្ងៃទី១៨ ខែឧសភា ឆ្នាំ២០២១ កម្លាំងនគរបាល ការិយាល័យព្រហ្មទណ្ឌកម្រិតស្រាលនៃស្នង ការ ដ្ឋាននគរបាលខេត្តបាត់ដំបង បានចុះធ្វើការបង្ក្រាប និងចាប់ឃាត់ខ្លួនជនសង្ស័យម្នាក់ រួមទាំងរថយន្តមួយគ្រឿង ខណៈកំពុងឈប់រថយន្តត្រងទឹកភ្លៀង ពោលគឺល្បែងភ្នាល់ទឹកភ្លៀង នៅចំណុចភូមិចំការសំរោង២ សង្កាត់ចំការសំ រោង ក្រុងបាត់ដំបង ខេត្តបាត់ដំបង។

ប្រតិបត្តិការនេះ ធ្វើឡើងក្រោមការចង្អុលបង្ហាញពីឯកឧត្តម ងួន រតនៈ អភិ បាលនៃគណៈអភិបាលខេត្ត និងជាប្រធានគណៈបញ្ជាការឯកភាពរដ្ឋបាលខេត្តបាត់ដំបង ឯក ឧត្តម ណុប ដារ៉ា អភិបាលរងខេត្តបាត់ដំបង និងជាប្រធានគណៈកម្មការស្រាវជ្រាវបង្ក្រាបល្បែង ស៊ីសងគ្រប់ប្រភេទក្នុងទឹកដីខេត្តបាត់ដំបង ដោយ មាន លោកព្រះរាជអាជ្ញារងនៃអយ្យការអមសា លាដំបូងខេត្តបាត់ដំបង លោកឧត្តមសេនីយ៍ ទោ សាត គឹមសាន ស្នងការនៃស្នងការដ្ឋាននគរ បាលខេត្តបាត់ដំបង ជាអ្នកបញ្ជារដឹកនាំកម្លាំងផ្ទាល់ ។

ក្នុងនោះសមត្ថកិច្ចបានធ្វើការឃាត់ខ្លួនជនសង្ស័យម្នាក់ ឈ្មោះ ពេជ្រ សុធា ភេទប្រុស អាយុ ៤០ ឆ្នាំ មានទីលំនៅ ភូមិ កម្មករ សង្កាត់ ស្វាយប៉ោ ក្រុងបាត់ដំបង ខេត្ត បាត់ដំបង ។ ដកហូតបាន ឧបករណ៍ កែច្នៃ សម្រាប់ ត្រង ទឹកភ្លៀងចំនួន ០១ , វិទ្យុ ទាក់ទង ចំនួន ០៣ គ្រឿង , រថយន្ត ម៉ាក TOYOTA RUSH ពណ៌ ខ្មៅ ពាក់ស្លាកលេខ ភ្នំពេញ 2AY-1982 ចំនួន០១ គ្រឿង ។

បច្ចុប្បន្នជនសង្ស័យខាងលើ រួមទាំងវត្ថុតាង ត្រូវបានកម្លាំងការិយាល័យជំនាញ ធ្វើការសាកសួរនិងកសាងសំ ណុំរឿង បញ្ជូនទៅតុលាការដើម្បីចាត់ការតាមនីតិវិធីច្បាប់៕