រាជធានីភ្នំពេញ៖ ស្ត្រីម្នាក់រងរបួសធ្ងន់ និងបុរសម្នាក់ទៀតរងរបួសស្រាល ត្រូវបានរថយន្តសាមុយដឹកយកទៅសង្គ្រោះភ្លាមៗ បន្ទាប់ពីជិះម៉ូតូទៅបុកពីក្រោយរថយន្តបែនធន់ធំ ខណៈរថយន្តនោះកំពុងឈប់ចតស្តុបពេញទំហឹង កាលពីវេលាម៉ោង១០និង២០នាទីព្រឹក ថ្ងៃទី២០ ខែឧសភា ឆ្នាំ២០២១ តាមបណ្តោយផ្លូវភ្នំពេញហាន់ណូយ ស្ថិតក្នុងសង្កាត់ទឹកថ្លា ខណ្ឌសែនសុខ រាជធានីភ្នំពេញ។

ប្រភពព័ត៌មានពីប្រជាពលរដ្ឋ នៅទីតាំងកើតហេតុ បានប្រាប់ក្រុមការងារTVFB ឲ្យដឹងថា មុនពេលកើតហេតុ ម៉ូតូស្មាស់វី ពណ៌ក្រហម ខាងលើជិះដោយបុរសស្ត្រី២នាក់ តាមបណ្តោយផ្លូវភ្នំពេញហាន់ណយ ក្នុងទិសដៅពីត្បូងទៅជើង លុះមកដល់ចំណុចកើតហេតុ ម៉ូតូគ្មានហ្វ្រាំងក្រោមសម្រាប់ជាន់ មានតែហ្វ្រាំងដៃ ចាប់មិនទាន់ក៏ជ្រុលទៅបុកពីក្រោយរថយន្តបែនធន់ធំដឹកស៊ីម៉ង់ត៍ មួយគ្រឿង ពាក់ស្លាកលេខ ព្រះសីហនុ 3A-5798 ខណៈរថយន្តនោះកំពុងតែឈប់ស្តុបបុកពេញទំហឹង បណ្តាលអោយស្ត្រីម្នាក់រងរបួសត្រូវក្បាលយ៉ាងធ្ងន់ធ្ងរ និងបុរសម្នាក់ទៀតរងរបួសស្រាល ត្រូវបានរថយន្តសាមុយដឹកយកទៅសង្គ្រោះបន្ទាន់នៅមន្ទីរឯកជនភ្លាមៗ ។

ក្រោយកើតហេតុរថយន្តនិងម៉ូតូត្រូវបានសមត្ថកិច្ចធ្វើករវាស់វែងយកទៅរក្សាទុកនៅអធិការដ្ឋាននគរបាលខណ្ឌសែនសុខ រង់ចាំការដោះស្រាយគ្នានៅពេលក្រោយតាមច្បាប់បន្តទៀត៕ អ៊ុ ស្រស់