រាជធានីភ្នំពេញ ៖ រថយន្តនីសាន់មួយគ្រឿងដែលដឹកពងមាន់ពងទា បានក្រឡាប់ប៉ើងជាង ២០ ម៉ែត្រ ដោយចាក់ពងទាបែកខ្ទេចពេញផ្លូវ បន្ទាប់ពីបើករថយន្តនេះ បានបើកមកបុកជាមួយនឹងរបាំងថ្មពុះចែកទ្រូងផ្លូវពេញទំហឹង កាលពីវេលាម៉ោង ៩ និង ៣០ នាទីយប់ថ្ងៃទី ២២ ខែឧសភា ឆ្នាំ ២០២១ ស្ថិតនៅតាមបណ្ដោយផ្លូវលេខ ២៨៩ ក្នុងសង្កាត់បឹងកក់ ១ ខណ្ឌទួលគោក រាជធានីភ្នំពេញ។

អ្នកបើកបរបានប្រាប់ឱ្យដឹងថា គាត់មិនបានរងរបួសអ្វីឡើយ គឺពេលកើតហេតុ គាត់បើកមកគេចមិនទាន់ ក៏បុកជាមួយនឹងរបាំងថ្មចែកទ្រូងផ្លូវក្រឡាប់តែម្ដង បណ្តាលឲ្យរងការខូចខាតរបាំងថ្ម២កង់ ។

បន្ទាប់ពីកើតហេតុ សមត្ថកិច្ចចរាចរណ៍មូលដ្ឋាន សហការជាមួយនគរបាលចរាចរណ៍ជំនាញ បានចុះមកដល់កន្លែងកើតហេតុ ដើម្បីធ្វើការវាស់វែង ស្ទូចយករថយន្តខាងលើ ទៅរក្សាទុកនៅការិយាល័យចរាចរណ៍ផ្លូវគោក នៃស្នងការដ្ឋាននគរបាលរាជធានីភ្នំពេញ រង់ចាំធ្វើការដោះស្រាយ តាមច្បាប់ ៕