បន្ទាយមានជ័យ៖ រថយន្តដឹកអ៊ែស្កាបើកសុខៗអស់ម៉ាស៊ូតត្រូវត្រូវបានរថយន្តកុងតឺន័របុកពីក្រោយបណ្តាលរបួសស្រាល៣នាក់នៅវេលាម៉ោង៨.១០នាទីយប់ថ្ងៃទី២៧ ខែឧសភា ឆ្នាំ២០២១ ចំណុចមុខវត្តទឹកថ្លា ស្ថិតភូមិទឹកថ្លា សង្កាត់ទឹកថ្លា ក្រុងសិរីសោភ័ណ។

មន្ត្រីចរាចរណ៍ផ្លូវគោកនៃស្នងការដ្ឋាននគរបាលខេត្តបន្ទាយមានជ័យបានប្រាប់ថា៖នៅពេលគ្រោះថ្នាក់ចរាចរណ៍កើតឡើង គឺរថយន្តធុនធំដឹកអ៊ែស្កាបានបើកបរតាមបណ្តោយផ្លូវជាតិលេខ៥ក្នុងទឹសដៅពីលិចទៅកើតស្រាប់តែបើកសុខៗអស់ម៉ាស៊ូតកណ្តាលផ្លូវត្រូវរថយន្តកុងតឺន័រដែលពាក់ផ្លាក់លេខព្រៈសីហនុ3A.1944 បានបើកពីក្រោយបុកពីក្រោយពេញទំហឹងបណ្តាលរបួសអ្នកបើកបររថយន្តកុងតឺន័ររបួសស្រាលម្នាក់និង ព្រូរថយន្តដឹកអែស្ការ២នាក់របួសស្រាល។

មន្ត្រីនគរបាលបានបញ្ជាក់ថា៖ក្រោយពេលកើតហេតុមន្ត្រីជំនាញចុះទៅសម្រួលចរាចរណ៍ពិនិត្យនិងវាស់វែងមូលហេតុគ្រោះថ្នាក់ចរាចរណ៍កើតឡើងគឺបង្កឡើងដោយរថយន្តធុនធំដឹកអ៊ែស្កាបើកបរមិនប្រេងទើបបើកសុខៗអស់ប្រេងម៉ាស៊ូតកណ្តាលផ្លូវបណ្តាលរថយន្តកុងតឺន័របុកពីក្រោយបណ្តាលរបួសស្រាល៣នាក់និងខូចខាតរថយន្តកុងតឺន័រខូចខាតពីមុខយ៉ាងធ្ងន់ធ្ងរ។

ក្រោយពេលវាស់វែងហើយត្រូវបានកម្លាំងជំនាញយករថយន្តទាំង២គ្រឿងទៅរក្សាទុកនៅការិយាល័យចរាចរណ៍ផ្លូវគោកនៃស្នងការដ្ឋាននគរបាលខេត្តបន្ទាយមានជ័យ ដើម្បីដោះស្រាយតាមច្បាប់៕ដោយ៖ចិន្ត្រា