កំពង់ឆ្នាំង៖ ជនសង្ស័យ២នាក់ប្តីប្រពន្ធ ត្រូវបានសមត្ថកិច្ចប្រឆាំងគ្រឿងញៀនស្រុកទឹកផុស ធ្វើការចាប់ឃាត់ខ្លួន ពាក់ព័ន្ធករណីរក្សាទុក និងជួញដូរដោយខុសច្បាប់ នូវសារធាតុញៀន កាលពីវេលាម៉ោង៥ ថ្ងៃទី១៧ ខែមីនា ឆ្នាំ២០២១ នៅចំណុចផ្លូវរថភ្លើង ក្នុងភូមិស្រែតាជ័យ ឃុំអភិវឌ្ឍន៍ ស្រុកទឹកផុស ខេត្តកំពង់ឆ្នាំង ។
យោងតាមរបាយការណ៍ពីសមត្ថកិច្ចបញ្ជាក់ថា ជនសង្ស័យទាំង២នាក់នេះ រួមមាន៖
១/ឈ្មោះ ឌួង សេរីរ័ត្ន ភេទប្រុស អាយុ៣៦ឆ្នាំ ជនជាតិខ្មែរ មុខរបរជាងពិដាន រស់នៅភូមិផ្សារលើ សង្កាត់ផ្សារឆ្នាំង ក្រុង/ខេត្តកំពង់ឆ្នាំង(ប្តី)។
២/ឈ្មោះ ជារ៉ានី ភេទស្រី អាយុ៣៣ឆ្នាំ ជនជាតិខ្មែរ មុខរបរនៅផ្ទះ នៅភូមិស្រែតាជ័យ ឃុំអភិវឌ្ឍ ស្រុកទឹកផុស ខេត្តកំពង់ឆ្នាំង(ប្រពន្ធ)។
ក្នុងនោះ សមត្ថកិច្ចដកហូតបាន ថ្នាំញៀនចំនួន០២កញ្ចប់ ស្មើរនឹង ១,៨០g ,ទូរស័ព្ទ០២គ្រឿង និងម៉ូតូ ០១គ្រឿង ។
បច្ចុប្បន្នជនសង្ស័យខាងលើ ត្រូវបានសមត្ថកិច្ចកសាងសំណុំរឿង បញ្ជូនខ្លួនទៅកាន់តុលាការ ដើម្បីចាត់ការតាមនីតិវិធីផ្លូវច្បាប់ ៕
