រថយន្តព្រូស បុកពីក្រោយរថយន្តដឹកទឹកកក ក្រឡាប់អូសជាច្រើនម៉ែត្រ មុខក្រសួងសាធារណការ និងដឹកជញ្ជូន
ភ្នំពេញ ៖ ទាំងព្រឹកព្រលឹមតែម្តង រថយន្តព្រុសមួយគ្រឿង រួមដំណើរដោយបុរស២នាក់ ជ្រុលទៅបុកជាមួយនឹងទៅបុកគូទរថយន្តកូរ៉េដឹកទឹកកកមួយគ្រឿង បណ្តាលឲ្យក្រឡាប់ផ្ងារជើង ចំណែករថយន្តដឹកទឹកកកវិញ ដាច់ចេញពីគ្នាខ្ទាតជាច្រើនម៉ែត្រ ។
ហេតុការណ៍នេះកើតឡើងនៅម៉ោង ៥និង៣៥នាទីទៀបភ្លឺ ឈានចូលថ្ងៃទី១៩ ខែមីនា ឆ្នាំ២០២១ តាមបណ្តោយផ្លូវជាសុផារ៉ា មុខក្រសួងសាធារណការ និងដឹកជញ្ជូន ក្នុងសង្កាត់ច្រាំងចំរះ២ ខណ្ឌឬស្សីកែវ រាជធានីភ្នំពេញ។
សមត្ថកិច្ចបានបញ្ជាក់ថារថយន្តព្រូសនេះ ស៊េរី២០១០ ពណ៌ស បើកបរតាមបណ្តោយផ្លូវជាសុផារ៉ា ក្នុងទិសដៅពីត្បូងទៅជើង បើកស្របគ្នាជាមួយរថយន្តដឹកទឹកកក ។
ក្រោយកើតហេតុ សមត្ថកិច្ចជំនាញចរាចរណ៍ បានចុះមកធ្វើការវាស់វែង យករថយន្តទាំង២ទៅរក្សាទុកនៅការិយាល័យចរាចរណ៍ផ្លូវគោក ដើម្បីធ្វើការដោះស្រាយគ្នានៅពេលក្រោយទៀត ៕
