រាជធានីភ្នំពេញ ៖ រថយន្តស៊េរីទំនើប២គ្រឿងបុកគ្នាពេញពេញទំហឹង បណ្ដាលអោយរងការខូចខាត យ៉ាងដំណំ កាលពីវេលាម៉ោង ៧យប់ ថ្ងៃទី៨ ខែសីហា ឆ្នាំ២០២១ នៅក្នុងសង្កាត់ស្រះចក ខណ្ឌដូនពេញ រាជធានីភ្នំពេញ ។

បើតាមប្រភពពីបងប្អូនប្រជាពលរដ្ឋ បានឲ្យដឹងថា មុនពេលកើតហេតុ គេបានឃើញរថយន្ដ PORSCHES ស៊េរីទំនើប មួយគ្រឿង ដែលពាក់ស្លាកលេខ ព្រះសីហនុ 2B-8666 ធ្វើដំណើរពីលិចទៅកើត មកផ្លូវបំបែកជាបួន បានបុកគ្នាជាមួយនិងរថយន្ដ ឡិចស៊ីស NX200t ស៊េរីទំនើប ដែលពាក់ស្លាកលេខ ភ្នំពេញ 2BM-6589 ធ្វើដំណើរត្បូងទៅជើង បានបុកគ្នាពេញមួយទំហឹង បណ្ដាលឲ្យរថយន្ដស៊េទំនើបទាំង២គ្រឿង ខូចខាតទាំងសងខាង តែគ្មាននរណាម្នាក់ រងរបួសនោះទេ។

ក្រោយពេលកើតហេតុ ម្ចាស់រថយន្ដទាំង២គ្រឿង បានចុះមកធ្វើការសម្របសម្រួលគ្នា នដោះស្រាយបញ្ចាប់រឿងនៅកន្លែងកើតហេតុតែម្តង ៕