រាជធានីភ្នំពេញ៖ គ្រោះថ្នាក់ចរាចរណ៍មួយបានកើតឡើង រវាងរថយន្តព្រូសមួយគ្រឿង បុកជាមួយរថយន្តកាមរី ចំពីក្រោយ បណ្ដាលរងការខូចខាតយ៉ាងដំណំ ក្នុងសង្កាត់វត្តភ្នំ ខណ្ឌដូនពេញ នាវេលាម៉ោង១១ ត្រូវថ្ងៃទី១៩ ខែមីនា ឆ្នាំ២០២១។

យោងទៅតាមប្រភពព័ត៌មានពីម្ចាស់រថយន្តកាមរីស៊េរីទំនើបមួយគ្រឿង ពណ៌ស បានប្រាប់មកកាន់ក្រុមការងារ TVFB ថា រថយន្តរបស់គាត់បានចតចោលនៅចិញ្ចើមផ្លូវ ស្រាប់តែមានរថយន្តតូយ៉ូតា ព្រូស មួយគ្រឿង ពណ៌ទឹកប្រាក់ បានធ្វើដំណើរក្នុងទិសដៅពីកើតមកលិច មកដល់ចំណុចកើតហេតុ បានបុករថយន្តគាត់ពីក្រោយពេញទំហឹង បណ្ដាលឲ្យរងការខូចខាតយ៉ាងដំណំ។

ភ្លាមៗសមត្ថកិច្ច នគរបាលមូលដ្ឋាន បានមកដល់អោយភាគីទាំងសងខាងចុះ មកនិយាយសម្របសម្រួលគ្នាយ៉ាងយូរ ចុងក្រោយភាគីរថយន្តកាមេរី បានសម្រេចឲ្យខាងធានារ៉ាប់រង ឲ្យយករថយន្តគាត់ទៅជួសជុលដើម្បីបញ្ចប់រឿង ៕