ភ្នំពេញ៖ ជនសង្ស័យដែលជាមុខសញ្ញាឆក់យ៉ាងសកម្មចំនួន ៥នាក់ ត្រូវបានសមត្ថកិច្ចនគរបាលខណ្ឌពោធិ៍សែនជ័យ បើកការស្រាវជ្រាវឈានដល់ការចាប់ឃាត់ខ្លួនបាន កាលពីវេលាម៉ោង១២ ថ្ងៃទី២៦ ខែមីនា ឆ្នាំ២០២១ នៅផ្ទះសំណាក់នាគទិព្វ សង្កាត់គីឡូម៉ែត្រលេខ៦ ខណ្ឌឫស្សីកែវ រាជធានីភ្នំពេញ។
សមត្ថកិច្ចបញ្ជាក់ថា ជនសង្ស័យទាំង៥នាក់នេះ គឺតែងតែធ្វើសកម្មភាពឆក់ទូរស័ព្ទ និងកាបូបលុយ របស់ប្រជាពលរដ្ឋ ដែលធ្វើដំណើរតាមដងផ្លូវជាញឹកញាប់ ក្នុងខណ្ឌពោធិ៍សែនជ័យនាពេលកន្លងមក ៖
១/ឈ្មោះរី ដាវីន ភេទប្រុស អាយុ១៨ឆ្នាំ។
២/ឈ្មោះ សុខ អ៊ុយឡាង ភេទប្រុស អាយុ១៨ ឆ្នាំ។
៣/ឈ្មោះធឿន ចម្រើនថៃ ភេទប្រុសអាយុ ១៨ឆ្នាំ។
៤/ឈ្មោះឈឹម ធ័រច័ន្ទធានី ភេទប្រុស អាយុ១៥ ឆ្នាំ។
៥/ឈ្មោះ ឈួន សុធារ៉ាន់ ភេទប្រុស អាយុ១៨ឆ្នាំ។
ក្នុងនោះ កម្លាំងបានធ្វើការដកហូតបាន ចំនួន ២គ្រឿង ម៉ាកហុងដាស្កុបពី ពណ៌ស ស៊េរីឆ្នាំ ២០២០ ពាក់ស្លាកលេខ ភ្នំពេញ 1IO-3932 និងម៉ូតូម៉ាក ហុងដាឌ្រីម ពណ៌ស៊េរី ឆ្នាំ២០២១ ដែលពាក់ស្លាកលេខ ភ្នំពេញ 1IC-9684 ត្រូវបានផ្នែកជំនាញអ្នកនៃអធិការដ្ឋាននគរបាលខណ្ឌពោធិ៍សែនជ័យ កសាងសំណុំរឿងបញ្ជូនដើម្បីចាត់ការតាមនីតិវិធីច្បាប់៕
