(ខេត្តព្រះសីហនុ)៖ នៅវេលាម៉ោង២៣និង៣០នាទី ថ្ងៃទី២៦ ខែមីនា ឆ្នាំ២០២១ កំលាំងគណៈបញ្ជាការឯកភាពស្រុកព្រៃនប់ បានធ្វើការឃាត់ រថយន្តមួយគ្រឿងម៉ាក់ Luxis RX៣៣០ ពណ៌ស ពាក់ស្លាកលេខ ភ្នំពេញ ២AE-២៣៩៨ ស្ថិតនៅចំណុចភូមិមនោរម្យ ឃុំតានៃ ស្រុកព្រៃនប់ ខេត្តព្រះសីហនុ ពាក់ព័ន្ធករណីបើកបុកប៉ារ៉ាស់ចត្តាឡីស័ករបស់ស្រុកស្ទឹងហាវ ក្រោយធ្វើការឃាត់រថយន្តខាងលើ អ្នកបើកបរបានបើកទ្វារថយន្តចុះដើម្បីរត់គេចខ្លួន ប៉ុន្តែត្រូវបានកម្លាំងចំរុះដេញតាមរហូតដល់ឃាត់ខ្លួនបាន ក្រោយធ្វើការឃាត់ខ្លួនកំលាំងចំរុះបានឆែកឆេររថយន្តរបស់ជនសង្ស័យ មានឃើញផ្ទុកនៅម្សៅពណ៌សមួយចំនួនសង្ស័យជាគ្រឿងញៀន។
ជនសង្ស័យឈ្មោះ អ៊ូ យ៉ាវ ភេទប្រុស ជនជាតិចិន អាយុ៣៥ឆ្នាំ ។
វត្ថុតាងរួមមាន
-ម្សៅសថ្លាចំនួន០២កញ្ចប់
-ខ្សៀជក់ចំនួន០២
-រថយន្ត ០១គ្រឿង
-កាតសម្គាល់ខ្លួនចំនួន ០៤
-ទូរស័ព្ទចំនួន ០១គ្រឿង
-ដបជក់ចំនួន ០១
-ដែកកេះចំនួន ០២
បច្ចុប្បន្ន ជនសង្ស័យ និងវត្ថុតាងខាងលើ ត្រូវបានបញ្ជូនទៅកាន់អធិការដ្ឋាននគរបាលស្រុកព្រៃនប់ ដើម្បីបន្តនិតិវិធីច្បាប់ ៕
